Unglingadómaranámskeið á vegum KSÍ var haldið á Ísafirði á dögunum. Námskeiðið var í formi 3 tíma fyrirlesturs um knattspyrnulögin, svo þreyttu þátttakendur próf í lok námskeiðs. KSÍ útskrifaði 15 unglingadómara hjá BÍ/Bolungarvík og eru þeir á aldrinum 17-27 ára.

Lið 4.fl.kvenna frá BÍ fór um síðastliðna helgi í keppnisferð norður á Akureyri og tóku þar þátt í Goðamótinu. Þetta var fyrsta fótboltamótið sem stelpurnar taka þátt í frá því í sumar og var mikil tilhlökkun í stelpunum að fá loksins að keppa aftur. Þær stóðu sig með mikilli príði og spiluðu mjög flottan fótbolta á köflum og börðurst vel í öllum 6 leikjunum sem þær spiluðu. Að lokum enduðu þær í 4 sæti  b-riðils eftir úrslita leik við KA2 um bronsið. Stelpurnar eru staðráðnar í því að leggja mikið á sig í vetur og mæta vel undirbúnar til leiks fyrir Íslandsmótið í sumar. Atli Freyr Rúnarsson er þjálfari 4.fl.kvenna hjá BÍ

Jónas Leifur Sigursteinsson hefur verið ráðinn þjálfari meistaraflokks kvenna, og tók hann við því starfi um mánaðarmótin október/nóvember.  Nú á dögunum skrifaði Jónas undir samning þess efnis.  Eins og áður hefur komið fram hér á síðunni munu BÍ og UMFB senda sameiginlegt lið til keppni í meistaraflokki kvenna. 3.flokkur kvenna BÍ/Bolungarvík náði góðum árangri sl. sumar og spilaði í undanúrslitum á Íslandsmótinu. Þær stelpur eru nú gengnar upp úr flokknum og munu verða kjarnin í liðinu í bland við eldri stelpur.