Æfingar hjá 8.flokki félagsins hefjast föstudaginn 16.september og fara þær fram í íþróttahúsinu Austurvegi. Æfingarnar verða á föstudögum 16:50-17:40 og sunnudögum 11:00-12:00. Æfingarnar eru fyrir strákar og stelpur á aldrinum 4-6 ára. Þjálfari flokksins verður Ásgeir Guðmundsson íþróttafræðingur. 

Nú eru allir leikjum yngri flokka BÍ/Bolungarvík lokið og komið að því að halda lokahóf. Ráðgert er að halda lokahóf yngri flokka BÍ/Bolungarvík laugardaginn 24.september. Einnig er ætlunin að hafa lokahófið með breyttu sniði og kemur það í ljós þegar nær dregur.

Æfingatafla fyrir september er aðgengileg hér á vefnum undir liðnum "Æfingatafla". Æfingarnar fara fram á gerfigrasinu Torfnesi, en æfingar 8.flokks fara fram í íþróttahúsinu Austurvegi.

Helgina 23.-24. júlí verður hið árlega Vestfjarðamót, ef svo mætti kalla, haldið í Bolungavík og á Ísafirði. Hefðbundinn fótbolti verður leikinn á laugardeginum í Bolungarvík, þar munu 4.-8. flokkar leiða saman hesta sína. Sunnudaginn 24. verður þetta aðeins öðruvísi, þá verður alheimsmót Landsbankans í drullubolta haldið í Tungudal við Skutulsfjörð. Þar mega leikmenn 4.-7. flokks etja kappi. Reynt verður að raða leikjum þannig upp að hver flokkur dembi sér í drulluna og ljúki sér af sem fyrst svo að enginn verði alvarlega kaldur. Þátttökugjald fyrir bæði mót er kr. 3000 en kr. 6000 með gistingu.

Þá eru búningarnir tilbúnir til afgreiðslu í Leggur og skel, frá og með miðvikudeginum 6.júlí. "Nýr styrktaraðili" kom óvænt fram þegar hefja átti prentun á búningunum í síðustu viku. Steiniðjan ehf. sem er eigandi Sólsteina, festi kaup á S.Helgason í síðustu viku. Og þ.a.l. verður S.Helgason framan á búningum yngri flokka félagsins.