KSÍ og Boltafélag Ísafjarðar standa fyrir unglingadómaranámskeiði miðvikudaginn 18.janúar. Námskeiðið fer fram í fyrirlestrarsal Menntaskólans á Ísafirði og hefst kl.18:00. Námskeiðið stendur í u.þ.b. 3 klukkustundir og er opið öllu áhugafólki um knattspyrnudómgæslu. Námskeiðinu líkur svo á prófi sem þreytt er 1-2 vikum seinna. Námskeiðið er öllum að kostnaðarlausu.

Skráning fer fram á netfanginu: nonnipje@simnet.is

Héraðssamband Vestfirðinga óskar öllum nær og fjær gleðilegra jóla 

Landflutningar Samskip bjóða nú upp á frábært jólapakkatilboð sem ber nafnið Gleðigjafir. Hægt er að senda jólagjafir hvert á land sem er fyrir 750 kr, og rennur andvirði flutningsgjalda til og frá Ísafjarðarbæ óskipt til íþróttaskóla HSV.

Við hvetjum alla til að nýta sér þetta tilboð og styðja í leiðinni við íþróttaskóla HSV.  íþróttaskóli HSV er fyrir öll börn í 1.-4. bekk grunnskóla.  Íþróttskólinn býður upp á grunnþjálfun, boltaskóla, sund og skíði og eru markmið skólans að. 

• Fá sem allra flest börn til að iðka íþróttir
• Að fyrstu kynni barna af íþróttaiðkun sé jákvæð
• Að börn fái að kynnast sem flestum íþróttagreinum
• Að auka gæði þjálfunar
• Lækka kostnað heimila við íþróttaiðkun barna
• Auka grunnþjálfunarhluta æfinga, almenna hreyfingu, hreyfiþroska og hreyfigetu.

 

 

Endilega látið fréttir af Gleðigjöfunum berast sem víðast.

Héraðssamband Vestfirðinga auglýsir eftir umsóknum í styrktarsjóð þjálfara. Samkvæmt reglugerð sjóðsins er honum ætlað að auka þekkingu og færni þjálfara og með því móti auka gæði þjálfunar og efla íþróttastarf í sveitarfélaginu.  Sjóðsstjórn er heimilt að úthluta styrkjum til aðila utan vébanda HSV, enda muni viðkomandi verkefni verða íþróttalífi og félögum í Ísafjarðarbæ til hagsbóta.

 

Umsóknarfrestur er til 13. nóvember 2011
 

Vakin er sérstök áhersla á reglugerð sjóðssins sem finna má á heimasíðu HSV www.hsv.is . Þar undir „Um HSV“ .  Þar koma fram frekari upplýsingar varðandi umsóknarferlið. 

 

 

Allar nánari upplýsingar veitir framkvæmdarstjóri HSV Kristján Þór Kristjánsson   í síma: 861-4668 eða í tölvupósti: hsv@hsv.is

Héraðssamband Vestfirðinga auglýsir eftir umsóknum í afreksmannasjóð sambandsins. Geta allir íþróttamenn sótt um styrk í sjóðinn svo framlega sem þeir séu aðilar innan HSV og uppfylli þau skilyrði sem eru í 7.grein laga afreksmannasjóðsins.

 

7. gr.

Stjórn sjóðsins getur veitt styrk ef viðkomandi uppfyllir eitthvert eftirtalinna skilyrða:

Ef hann keppir á eða hefur möguleika á þátttöku á Ólympíu-, Heims-, Evrópu- eða

Norðurlandameistaramótum.

Ef hann er valinn í landslið eða úrtök fyrir landslið. Ef hann er framarlega í íþróttagrein

sinni á landsvísu eða hefur sýnt mjög góðan árangur og er líklegur til að komast í hóp

bestu íþróttamanna landsins í íþróttagrein sinni. Skal þá miðað við styrkleikaflokkun

sérsambanda (sé hún til).

Lið eða hópur geta fengið úthlutað ef þau eru framarlega í íþróttagrein sinni á landsvísu

eða hafa sýnt mjög góðan árangur og eru líkleg til að komast í hóp bestu liða/hópa

 

Hægt er að sjá reglugerð sjóðsins inn á heimasíðu HSV.  

 

Umsóknarfrestur er til  13. nóvember 2011

 

Allar nánari upplýsingar veitir framkvæmdarstjóri HSV Kristján Þór Kristjánsson  í síma: 861-4668 eða í tölvupósti: hsv@hsv.is

Opið er fyrir umsóknir á rafrænu umsóknarsvæði Ferðasjóðs íþróttafélaga.
Hægt er að sækja um styrk vegna keppnisferða sem farnar hafa verið innanlands, á fyrirfram ákveðin styrkhæf mót á árinu 2011. Listi yfir styrkhæf mót birtist í fellilista eftir að umsókn hefur verið stofnuð og íþróttagrein valin.  Tekið skal fram að einungis er hægt að sækja um ferðir sem þegar hafa verið farnar.
Umsóknarfrestur er til miðnættis mánudaginn 9. janúar 2012.
Íþrótta- og ungmennafélög eru hvött til þess að hefja strax vinnu við að skrá inn á svæðið þær ferðir sem þegar hafa verið farnar á árinu, til að létta álag á kerfinu og flýta fyrir úrvinnslu.
Gert er ráð fyrir því að úthlutun styrkja fari fram í byrjun febrúar 2012.
Haldið er utan um hvert ár sérstaklega í umsóknarkerfinu og því þurfa öll félög/deildir að stofna nýja umsókn árlega. Ekki er hægt að nota vefslóðina frá því í fyrra.
Til úthlutunar fyrir keppnisferðir ársins 2011 er 51,1 m.króna.
Hægt er að komast inn á umsóknarsvæðið með því að smella á kassann hér til hægri á síðunni, sem merktur er sjóðnum, eða með því að smella hér.
Tengiliður Ferðasjóðs íþróttafélaga á skrifstofu ÍSÍ er Halla Kjartansdóttir skrifstofustjóri, sími 514 4000, netfang halla@isi.is .

Á 47. sambandsþingi Ungmennafélags Íslands í menningarhúsinu Hofi á Akureyri í gær var tilkynnt hvaða héraðssambandi hefði hlotnast hvatningarverðlaun UMFÍ 2011.
 

Verðlaunin féllu í skaut Héraðssambands Vestfirðinga, HSV, fyrir nýungar í starfi og öflugt samstarf við sveitarfélagið.

 

Jón Páll Hreinsson, formaður HSV, tók við viðurkenningunni fyrir hönd héraðssambandsins. Helga Guðrún Guðjónsdóttir, formaður UMFÍ, afhenti verðlaunin.

Jón Páll sagði við viðtöku verðlaunanna að þetta væri ávöxtun mikillar vinnu fjöldmargra aðila innan stjórnar HSV, starfsmanna HSV, stjórna aðildarfélaga HSV, sjálfboðaliða innan HSV og starfsmanna Ísafjarðarbæjar og bæjarstjórn Ísafjarðar en HSV hefur átt í mjög góðum samskiptum við sveitarfélagið og vonast til þess að halda því áfram. 

Sambandsþing UMFÍ 2011 var haldið á Akureyri um nýliðna helgi.  HSV átti þar 5 fulltrúa þau Jón Pál Hreinsson formann HSV, Maron Pétursson gjaldkera HSV, Ara Hólmsteinsson stjórnarmaður í HSV, Eyrún Harpa Hlynsdóttir stjórnarmaður í UMFÍ og Kristján Þór Kristjánsson starfsmaður HSV.  Mörg mál lágu fyrir þinginu og voru fjölmargar góðar tillögur samþykktar og fór nefndarstarf vel fram.  Helga Guðrún Guðjónsdóttir var endurkjörinn formaður UMFÍ og í stjórn félagsins voru kosin þau Stefán Skapti Steinólfsson USK, Bolli Gunnarsson HSK, Jón Pálsson UMSK, Haukur Valtýsson UMFE, Björg Jakobsdóttir UMSK og Eyrún Harpa Hlynsdóttir HSV og í varastjórn þau Matthildur Ásmundardóttir USÚ, Anna María Elíasdóttir USVH, Baldur Daníelsson HSÞ og Einar Kristján Jónsson Vesturhlíð.   Björn B. Jónsson fyrrverandi formaður UMFÍ var veitt heiðurfélaganafnbót UMFÍ.
 

 

Í gær voru dregnir út vinningshafar í Fjallapassaleiknum 2011 og fengum við Gísla Úlfarsson til að draga vinningshafa.   Markmið Fjallapassans er að hvetja einstaklinga og fjölskyldur til að nýta sér þær leiðir til heilsueflingar sem felast í náttúrunni í kringum okkur.  Með þátttöku í skemmtilegum leik getur hver og einn fundið fjall við sitt hæfi til að klífa og eflt um leið sitt líkamlega og andlega þrek svo ekki sé talað um þá mikilvægu samverustund sem fjölskyldur og vinir geta átt með þátttökunni. 

Í stuttu máli gengur leikurinn út á það að klífa ákveðin fjöll og stimpla í passa með stimplum sem eru að finna á fjöllunum.  Því næst er passanum skilað inn og verða nöfn heppinna göngugarpa dregin út að leik loknum.  Þær gönguleiðir sem voru í Fjallapassanum í ár voru Naustahvilft, náman í Syðridal, Miðfell, Kaldbakur, Þjófaskar og Sauratindar.  Áttu þátttakendur að fara að minnsta kosti 4 af þessum 6 gönguleiðum áður en þeir skila passanum sínum inn. 

Rúmlega 70 einstaklingar skiluðu inn pössum og má gera ráð fyrir því miðað við útprentaða fjallapassa að mun fleiri hafi gengið en ekki náð að klára allar fjórar göngurnar.  Ef bara er tekið mið af þeim sem skiluðu inn pössum er það vel á fjórðahundrað fjallgöngur sem farnar voru fyrir tilstuðlan leiksins.

Glæsilegir vinningar voru dregnir út og þökkum við innilega þeim fyrirtækjum sem styrktu leikinn á einn eða annan hátt.

Pixel

Hamraborg

Heydalur

North Explorers

Ísafjarðarbær

Bolungarvíkurkaupstaður

Ferðamálasamtök Vestfjarða,

Simbahöllin Þingeyri

Penninn-Eymundsson

Galdrasafnið Hólmavík

Melrakkasetrið

Einarshús, Bolungarvík

Landsbankinn

Íslandsbanki
Craftsport 

 

Hægt er að sjá nöfn vinningshafa í leiknum á heimasíðu leiksins www.fjallapassinn.is og einnig fá vinningshafar sendan tölvupóst.  Vinningshafar geta sótt gjafabréf sitt á skrifstofu HSV Austurvegi 9, 2.hæð (Sundhallarloftinu).

Laugardaginn 22. október klukkan 09.00-16.00 býður Heilsuskóli Keilis uppá opið námskeið fyrir alla þjálfara í styrktarþjálfun barna og unglinga í hópíþróttum.

Mikil áhersla verður lögð á verklega kennslu samhliða fræðilegri yfirferð. Námskeiðinu fylgir bæklingur með texta og lýsingum á æfingum og æfingakerfum fyrir börn og unglinga.

Á námskeiðinu verður farið í: 

• Æfingaval og æfingakerfi
• Mælingar fyrir sprengikraft, hraða, styrk og úthald
• Áherslur í þjálfun yngri flokka
• Lífðelisfræðilegann ávinning þjálfunar
• Algeng meiðsli og meiðslaforvarnir hjá börnum og unglingum í hópíþróttum
• Meðferð á meiddum einstaklingi í hópíþrótt og styrktarþjálfun

Leiðbeinandi er Einar Óli Þorvarðarson, sjúkraþjálfari B.Sc og styrktarþjálfari barna, unglinga og fullorðinna hjá íþróttafélagi.

Allar upplýsingar um verð og skráningu má finna á heimasíðu námskeiðsins.

Skráning fer fram á namskeid@keilir.net.