Afrekskvennasjóður Íslandsbanka og ÍSÍ auglýsir eftir umsóknum um styrki vegna haustúthlutunar 2011. Að þessu sinni eru afreksíþróttakonur eða lið/hópar sem sett hafa stefnuna á stærstu mót komandi mánaða sérstaklega hvattar til að sækja um. Sem dæmi um mót má nefna Ólympíuleika, heims- og Evrópumeistaramót eða önnur stórmót. Umsóknarfrestur er til og með föstudagsins 14. október.


Afrekskvennasjóður Íslandsbanka og ÍSÍ var stofnaður með framlagi bankans árið 2007. Markmið og tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri. Er nú verið að úthluta í áttunda sinn úr sjóðnum.

Nánar er hægt að lesa sér til um sjóðinn og nálgast umsóknareyðublöð á heimasíðu ÍSÍ, sjá hér.

Aðildafélög HSV hafa komið sér saman um að vera í eins utanyfirbúningum.  Teljum við þetta mikið framfaraskref og verður öllum til mikilla þæginda hvort sem um er að ræða stjórnir aðildarfélaga, iðkendur eða foreldra og forráðamanna iðkenda.  Nú þarf einungis að kaupa einn galla þó iðkandi sé að stunda fleiri en eina grein. 
Vestri er í æfingaferð á Spáni og voru þau öll í þessum göllum.  Er mjög gaman að sjá krakkana í eins búningum og flott að sjá HSV og Ísafjarðarbæ á bakinu enda vakti það athygli annarra farþega í vélinni og vakti athygli á krökkunum í Vestra og Ísafjarðarbæ.
Gallarnir eru seldir í Legg og Skel á Ísafirði.

HSV og nokkur aðildarfélög HSV hafa tekið í gagnið nýtt skráningarkerfi þar sem foreldra, forráðamenn og iðkendur geta skráð sig til æfinga hjá félaginu ásamt því að ganga frá greiðslu í sérstöku skráningarkerfi á internetinu.  Byrjað er að taka við skráningum í íþróttaskóla HSV og núna í vikunni munu KFÍ, BÍ, Hörður og Blakfélagið Skellur fara að nota kerfið.  Fleiri félög munu svo koma inn í kerfið. 

Skráningar í íþróttaskóla HSV fara í gegnum heimasíðu íþróttaskólans www.hsv.is/ithrottaskoli

Sett hefur verið upp ný heimasíða íþróttaskóla HSV sem er www.hsv.is/ithrottaskoli .  Einnig er hér linkur hægra megin á síðunni.

Þeir iðkendur sem ætla að fara á ULM á Egilsstöðum eiga að skrá sig sjálfir á heimasíðu mótsins www.ulm.is og greiða þar einnig.  Ekki á að leggja inn á HSV.

Auglýst er eftir yfirþjálfar í íþróttaskóla HSV

Héraðssamband Vestfirðinga óskar eftir því að ráða metnaðarfullan og drífandi aðila í starf yfirþjálfara íþróttaskóla HSV.  Íþróttaskóli HSV sér um alla þjálfun barna í 1-4. bekk í Ísafjarðarbæ í samvinnu við aðildarfélög HSV.  Í íþróttaskóla HSV verður lögð áhersla á grunnþjálfun iðkenda ásamt því að þau fá þjálfun í flestum þeim íþróttagreinum sem í boði eru á eldri stigum hjá aðildafélögum HSV. Um er að ræða 75% starf.

Starfssvið

·         Ábyrgð á þjálfun og skipulagningu íþróttaskóla HSV

·         Skipuleggja grunnþjálfunarhluta skólans

·         Skipuleggur í samstarfi við þjálfara aðildarfélaga þjálfun í öðrum greinum

·         Skipuleggur starf kynningagreina í íþróttaskólanum

·         Sér um samskipti við foreldra iðkenda

·         Sér um samskipti við þjálfara aðildarfélaga

·         Skipuleggur í samstarfi við aðildarfélög íþróttamót og aðra viðburði

Menntunar – og hæfniskröfum

·         Háskólamenntun á sviði íþrótta æskileg

·         Mikil reynsla af þjálfun yngri barna æskileg

·         Jákvæðni og lipurð í mannlegum samskiptum

·         Sjálfstæð og skipulögð vinnubrögð

·         Stundvísi

·         Hreint sakavottorð

Umsóknarfrestur er til 7.ágúst og þarf einstaklingurinn að geta hafið störf 15.ágúst.  Frekari upplýsingar fást hjá framkvæmdarstjóra HSV í netfang hsv@hsv.is og í síma 450-8450.

Í haust þegar skólaár hefst mun Héraðssamband Vestfirðinga (HSV) í samstarfi við aðildarfélög sín setja á legg íþróttaskóla HSV fyrir börn í 1-4 bekk grunnskóla Ísafjarðarbæjar.  Íþróttaskóli HSV mun leggja áherslu á grunnþjálfun barna ásamt því að þau fái þjálfun í flestum þeim íþróttagreinum sem í boði eru á eldri stigum aðildarfélaga HSV.  Ráðinn verður yfirþjálfari sem sér um skipulagningu ásamt því að sjá um grunnþjálfun.  Hann mun einnig skipuleggja og þjálfa aðrar greinar í samstarfi við aðildarfélög HSV.   HSV og aðildarfélög hafa unnið að þessu verkefni í langan tíma og hefur sú vinna nú borið árangur.  Ísafjarðarbær styður verkefnið og var stofnun skólans ein af grunnstoðum í nýjum samningi Ísafjarðarbæjar og HSV sem undirritaður var síðastliðin vetur. 

Markmið skólans eru.

·         Fá sem allra flest börn til að iðka íþróttir

·         Að fyrstu kynni barna af íþróttaiðkun sé jákvæð

·         Að börn fái að kynnast sem flestum íþróttagreinum

·         Að auka gæði þjálfunar

·         Lækka kostnað heimila við íþróttaiðkun barna

·         Auka grunnþjálfunarhluta æfinga, almenna hreyfingu, hreyfiþroska og hreyfigetu.

Unglingalandsmót UMFÍ verður haldið á Egilsstöðum um verslunarmannahelgina. Ungmenna og íþróttasamband Austurlands er mótshaldari og stefnt er að því að halda glæsilegt mót við góðar aðstæður.

 

 Unglingalandsmótin eru vímuefnalaus íþrótta- og fjölskylduhátíð og frábær kostur fyrir alla þá sem velja heilbrigt og vímuefnalaust umhverfi samhliða því að taka þátt í fjölbreyttri íþróttakeppni.

Allir á aldrinum 11 – 18 ára geta tekið þátt í íþróttakeppni á Unglingalandsmótinu. Keppendur greiða eitt mótsgjald, kr. 6.000.- og fá með því þátttökurétt í öllum keppnisgreinum.

 

Glæsileg íþróttamannvirki eru til staðar á Egilsstöðum en Landsmót UMFÍ var haldið þar árið 2001 og töluverð uppbygging varð í kringum það mót.   Íþróttaleikvangurinn er vel staðsettur í hjarta bæjarins.  Sundlaug og íþróttahús er þar rétt við hliðina og  öll önnur íþróttamannvirki í næsta nágrenni.

 

Tjaldstæði keppenda verður afskaplega vel staðsett og í göngufæri við keppnissvæðin.

 

Samhliða íþróttakeppninni verður fjölbreytt skemmtidagskrá í boði fyrir alla fjölskylduna á daginn. Þar má nefna að skemmtidagskrá verður í Tjarnargarðinum alla daga.  Sprelligosa- og Fjörkálfaklúbbar, leiktæki fyrir born og unglinga og  gönguferðir með leiðsögn alla daga fyrir þá sem eldri eru. Þá verða fjölbreyttar kvöldvökur og síðan flugeldasýning á sunnudagskvöldið eins og venja er.

 Opnað hefur verið fyrir skráningar á mótið og skrá keppendur sig sjálfir inn og greiða í gegnun heimasíðu mótsins www.ulm.is .

Allar frekari upplýsingar gefur framkvæmdarstjóri HSV í netfang hsv@hsv.is og síma 450-8450 

Íþróttafólki úr íþróttafélaginu Ívar gerði frábæra hluti á Special Olympics í Aþenu.  Kristín Þorsteinsdóttir vann silfurverðlaun í 100 m skriðsundi og Emelía Arnþórsdóttir hafnaði í fjórða sæti í bocce.  Frábær árangur hjá þessum flottu íþróttastúlkum.  HSV óskar þeim innilega til hamingju með árangurinn.

Í gær fór fram lokahátíð leikanna og er von á þeim til landsins í dag. 

Nú er hafinn á ný fjallgönguleikurinn Fjallapassinn á norðanverðum Vestfjörðum. Leikurinn hefur verið í gangi yfir sumartímann árin 2007, 2008 og 2010 og notið mikilla vinsælda. Markmið Fjallapassans er að hvetja einstaklinga og fjölskyldur til að nýta sér þær leiðir til heilsueflingar sem felast í náttúrunni. „Með þátttöku í skemmtilegum leik getur hver og einn fundið fjall við sitt hæfi til að klífa og eflt um leið sitt líkamlega og andlega þrek, svo ekki sé talað um þá mikilvægu samverustund sem fjölskyldur og vinir geta átt með þátttökunni,“ segir í tilkynningu.

Í stuttu máli gengur leikurinn út á það að klífa ákveðin fjöll og stimpla í passa með stimplum sem er að finna á fjöllunum. Því næst er passanum skilað inn og verða nöfn heppinna göngugarpa dregin út að leik loknum. Þær gönguleiðir sem eru í Fjallapassanum í ár eru Naustahvilft, Náman í Syðridal í Bolungarvík, Miðfell, Þjófaskarð, Kaldbakur og Sauratindar. 

Eiga þátttakendur að fara að minnsta kosti fjórar af þessum sex gönguleiðum áður en þeir skila passanum sínum inn. Leikurinn stendur til 15. september og vegleg verðlaun í boði fyrir heppna þátttakendur. 

Að leiknum standa Ásgerður Þorleifsdóttir og Nanný Arna Guðmundsdóttir í samvinnu við Héraðssamband Vestfirðinga og Heilsueflingu í Ísafjarðarbæ. 

Allar nánari upplýsingar um leikreglur, hvar hægt er að nálgast passana, verðlaun og fleira er að finna á heimasíðu leiksins www.fjallapassinn.is og á Facebooksíðu Fjallapassans.