Liðsmenn Ívars tóku þátt í Íslandsmóti í einstaklingskeppni í Boccia sem haldið var í Reykjanesbæ nú um síðustu helgi. 200 keppendur frá 12 félögum skráðu sig til leiks. 10 keppendur kepptu fyrir hönd Ívars og náðist góður árangur á mótinu. Magnús H Guðmundsson sigraði í 4. deild og Guðjón Hraunberg Björnsson lenti í 2. sæti í 5. deild. Sveinbjörg Sveinbjörnsdóttir komst inn í úrslit í 2. deild en hún komst ekki á verðlaunapall. Það var einnig haft á orði hve miklum framförum Emilía Arnþórsdóttir hefði náð í Boccia frá síðasta móti. Loks á sunnudagskvöld var lokahóf í Stapanum þar sem boðið var upp á góðan mat og svo lauk kvöldinu með balli  þar sem allir skemmtu sér konunglega.

Æfingartímar Ívars í vetur verða eftirfarandi:

BOCCIA
 (Æfingar hefjast miðvikudaginn 8. september 2010)

Miðvikudagar klukkan 17 - 18
Föstudagar klukkan 17 - 18
Æfingarnar verða í íþróttahúsinu Torfnesi


SUND
(Æfingar hefjast mánudaginn 6. september 2010)

Mánudagar klukkan 16 - 16:45
Miðvikudagar klukkan 15:45 - 16:30
Föstudagar 17 - 18

                                                                        Kveðja, Stjórnin

Á kosningadaginn 29. maí 2010 mun Íþróttafélagið Ívar vera með barmmerkjasölu við kjörstaði á Þingeyri, Ísafirði og í Bolungarvík. Barmmerkið kostar 1000 krónur verður það selt frá klukkan 11 - 19. Íþróttafélagið Ívar hvetur alla til að kjósa gott málefni, íþróttaiðkun fatlaðra vestfirðinga, með því að kaupa barmmerki félagsins. 

Tveir þátttakendur, þær Ragney Líf Stefánsdóttir og Kristín Þorsteinsdóttir fóru á vegum íþróttafélagsins Ívars og kepptu á  Íslandsmóti ÍF í sundi í 25 metra laug. Það er óhætt að segja að árangurinn hafi verið glæsilegur og fengu þær 10 verðlaunapeninga og Ragney Líf setti 2 Íslandsmet. Ragney bætti 9 ára gamalt Íslandsmet í 50 metra skriðsundi um þriðjung úr sekúndu. Einnig setti hún Íslandmet í 50 metra bringusundi og bætti metið um rúmar 2 sekúndur. Kristín vann 1 gull, 2 silfur og 1 brons

Ragney keppti í 6 greinum og vann þær allar. Hún keppti í eftirfarandi greinum.

50 skrið: 35,20    ÍSLANDSMET!
50 bak: 46,58
100 bringa: 1.53,29
100 skrið: 1.18,63
50 bringa: 48,79    ÍSLANDSMET!
200 skrið: 3.01,05

Kristín keppti í 5 greinum og fék 1 gull, 2 silfur og 1 brons. Hún keppti í eftirfarandi greinum:

50 skrið: 40,73 
50 bak: 48,84
100 skrið: 1.32,09 
50 bringa: 58,48
200 skrið: 3.20,14

Nú eru jólakortin komin í hús og næstu daga verður gengið í hús og selt í Ísafjarðarbæ og í Bolungarvík. Korin eru seld í 10 korta búntum og kostar hvert búnt 1000 krónur. Jólakortasalan er ein af aðal fjáröflunum félagsins og vonum við að Vestfirðingar taki vel á móti sölufólki okkar.

Fyrirtækjamót Ívars verður haldið sunnudaginn 11. október 2009 og hefst keppnin klukkan 13:30. Útlit er fyrir að 35 lið komi til með að keppa á 14 völlum og komust færri lið að en vildu. Á staðnum verður kaffisala.