Þann 15 mars sl. var aðalfundur Blakfélagsins Skells haldinn í fundarsal Íþróttahússins á Torfnesi á annari hæð.

Dagskrá fundarins var  nokkuð hefðbundin fyrir aðalfund.  Engar breytingar urðu á stjórn félagsins, en nýjir aðilar komu inn í varastjórn, sem skoðunarmenn reikninga og í barna- og unglingaráð.

Á fundinum var lögð fram tillaga að nýjum lögum félagsins.  Forsaga þess máls er að á aðalfundi síðasta árs var samþykkt tillaga um að endurskoða lög félagsins og voru þá þrír aðlilar valdir í það verk.  Tillaga nefndarinnar var samþykkt og má sjá nýju lögin hér á síðu félagsins.

Fram kom í skýrslum formanns og gjaldkera fyrir síðasta ár, að fjárhagsstaða félagsins sé góð, þó svo að rekstrarniðurstaða ársins hafi verið fyrir neðan núllið.  Skýrsla formanns er svo í heild sinni inni í fréttinni.

Jón Páll Hreinsson formaður HSV stýrði aðalfundinum af röggsemi og festu, og eru honum hér færðar bestu þakkir fyrir. 

 

...
Meira

Blakfélagið Skellur loksins komið með síðu á facebook :D
Allir félagsmenn eru hvattir til að gerast aðdáendur að síðunni

Á Sunnudaginn 14. mars verður samæfing á Suðureyri. Æfingin verður frá klukkan 11-12:30.  Eftir það verða grillaðar pylsur og þeir sem vilja mega fara í sundlaugina. Vinsamlegast látið vita hverjir koma með og hvaða foreldrar geta verið á bíl í síðasta lagi á föstudaginn....
Meira

Piltarnir í Blakfélaginu Skell, eru síst eftirbátar annara á flestum sviðum.  Þannig er marsmánuður tekinn með trompi og mottum safnað í gríð og erg.
Þess má geta að framtak piltanna hefur vakið mikla lukku hjá kvenþjóðinni.
Finna má fulltrúa félagsins á vef átaksins; hér, hér og hér.
Liðið er svo hérna.

 

Aðalfundur Blakfélagsins Skells verður haldinn mánudaginn 15. mars nk.
Fundurinn verður haldinn í fundarsal Íþróttahússins á Torfnesi á annari hæð og hefst kl 20.00.
Dagskrá fundarins eru hefðbundin aðalfundarstörf, í stuttu máli;

• Skýrslur stjórnar.
• Kosning formanns, tveggja stjórnarmanna og tveggja varamanna í stjórn.
• Tillaga að lagabreytingum
• Önnur mál.

Foreldrar blak-krakka undir 14 ára aldri, er sérstaklega bent á að þeir eru fulltrúar þeirra á slíkum fundum.
Þeir sem hafa áhuga á að kynna sér tillögur að lagabreytingum er bent á að snúa sér til stjórnarmanna.
Allir félagar eru hvattir til að mæta á fundinn og hafa áhrif á starf félagsins.  
Stjórnin

Kvennalið Skells mun spila í 2. umferð þriðju deildar Íslandsmótsins um helgina. Mótið verður haldið á Hvolsvelli og nú er bara að vona að veðrið verði skaplegt. Skellur er í fjórða sæti af sex liðum í riðlinum eftir fyrstu umferðina eins og sést hér að neðan.

 

Riðill A   Sæti   Stig  
Álftanes     1      10
Hamar        2       8
Stjarnan B  3       6
Skellur        4       4
Fylkir C      5       2
Dímon         6       0  

Markmiðið er klárlega að hækka sig um sæti í riðlinum.  Efstu tvö liðin komast í úrslit 3. deildar og það gæti orðið erfitt að ná því þótt ekki sé það útilokað.

 

Þriðju deildar mótin eru mjög skemmtileg - leikirnir allir spennandi og mikið fjör. Níu konur verða í Skellsliðinu, á aldrinum 23 til 52 ára - kynslóðabilið brúað!

Á dögunum fóru krakkablakþjálfarar Skells í fræðsluferð til Reykjavíkur. Félagið fékk styrk fyrir menntun yngriflokkaþjálfara sem nýttur var í þessa ferð. Tilgangurinn var að fylgjast með æfingum hjá öðrum félögum og fá góð ráð hjá reyndari þjálfurum.

 

Farið var á æfingar hjá krökkum frá sjötta og upp í þriðja flokk hjá HK og Stjörnunni. Við lærðum margar nýjar æfingar og einnig lærðum við ýmislegt sem tengist félagslegri og uppeldislegri hlið þjálfunar. Við fengum líka staðfestingu á því að við erum að vinna á svipaðan hátt og aðrir þjálfarar og að krakkarnir okkar eru virkilega duglegir. Við hittum síðan sérstaklega Ástu Sigrúnu Gylfadóttur, þjálfara hjá HK, sem ræddi við okkur um helstu atriði krakkablakþjálfunar og fór með okkur í gegnum nokkrar æfingar.

 

Við fórum sjálfar á æfingu hjá öldungaliði HK (við urðum að bæta upp æfingu sem við misstum af heima) og fylgdumst með æfingum hjá fleiri fullorðinsliðum.

 

Ferðin var virkilega gagnleg og það er að okkar mati mikilvægt fyrir alla þjálfara að vera duglegir að sækja námskeið eða mennta sig á annan hátt til að staðna ekki.

Krakkablakþjálfarar Skells:
Harpa, Kolbrún, Sólveig og Þorgerður

Blakfélagið Skellur óskar öllum gleðilegs nýs árs, þökkum iðkendum og foreldrum fyrir skemmtilegt og árangursríkt starf á liðnu ári.

Síðasti tíminn fyrir jólafrí verður fimmtudaginn 17.des.

Síðan verður blaktími þriðjudaginn 29.des kl: 21.00 og æfingar hefjast svo á nýju ári, sunnudaginn 3.janúar.
 
Litlu jólin í blakinu verða fimmtud.17.des. Þá verður svokallað einstaklingsmót :)

Mæting er eigi síðar en kl.19.30