http://www.hsv.is/skellur/ Snerpill Vefumsjón 60 http://www.hsv.is/skellur/forsida/Blakaefingar_komnar_i_fullan_gang
Blakæfingar eru nú komnar í fullan gang skv. áætlun. Fyrsta yngri flokka æfingin er í dag, föstudag kl. 15:00 í íþróttahúsinu Torfnesi. Sjá má á æfingatöflunni hvenær æfingar eru.
]]> Fri, 06 Jan 2012 11:59:00 +0000 http://www.hsv.is/skellur/forsida/Blakaefingar_komnar_i_fullan_gang http://www.hsv.is/skellur/forsida/Skemmtileg_jolamot_hja_bornum_og_fullordnum Yngri flokkar
Jólamót Skells fyrir yngri flokka var haldið sunnudaginn 18. desember. Það tókst í alla staði mjög vel og vonandi hafa allir farið ánægðir heim. Rúmlega 60 þátttakendur voru á mótinu frá Þingeyri, Suðureyri og Ísafirði. Börnin í boltaskóla HSV hafa verið í blaki síðustu vikur og mættu þau einnig á mótið.

Elstu krakkarnir (3. og 4. flokkur) byrjuðu og kepptu þar tvö lið frá Höfrungi og tvö frá Skelli. Þingeyrarliðin kepptu við Skellsliðin og vann Stekkjastaur, A-lið Höfrungs, allar sínar hrinur - enda öflugir krakkar og miklir íþróttamenn. Í stað þess að láta Höfrung keppa innbyrðis og Skell innbyrðis var ákveðið að draga í blönduð lið fyrir síðasta leikinn.

Í 5. flokki kepptu þrjú lið frá Skelli, eitt frá Suðureyri og tvö frá Ísafirði.  Þau kepptu undir nöfnum Pottaskefils, Skyrgáms og Hurðaskellis. Allir leikirnir voru jafnir og spennandi en Hurðaskellir hlaut flest stig.

Einn leikur var spilaður í 3. stigi á milli Höfrungs og Skells.

Krakkarnir í 1.- 4. bekk hjá íþróttaskóla HSV spiluðu krakkablak á 1. og 2. stigi við yngri krakkana frá Þingeyri og líka innbyrðis. Það var frábært að sjá hvað krakkarnir í íþróttaskólanum eru búnir að ná góðum tökum á krakkablaki á stuttum tíma. Og það er stórkostlegt blakstarf sem fer fram á Þingeyri undir stjórn Guðrúnar Snæbjargar.

Í lok mótsins fengu allir krakkarnir húfur merktar blakfélögunum.

Fullorðnir:
Jólamót fullorðinna var haldið fimmtudagskvöldið 15. desember og var keppt í 4-5 manna liðum. Liðin voru 5 talsins og var spilað á tíma í þetta sinn. Hver leikur var tvisvar sinnum 12 mínútur. Það lið sem skoraði flest stig í heildina sigraði. Mótið var sérlega jafnt og munaði bara örfáum stigum á liðunum. Baráttan var mikil og ekki alltaf að sjá á að um innanfélagsjólamót væri að ræða - enda á alltaf að taka á því þegar blak er spilað :-)  Liðið Gáttaþefur sigraði.
]]> Wed, 21 Dec 2011 22:02:00 +0000 http://www.hsv.is/skellur/forsida/Skemmtileg_jolamot_hja_bornum_og_fullordnum http://www.hsv.is/skellur/forsida/Hurdaskellur_-_mot_yngri_flokka
Krakkarnir eru beðnir um að mæta sem hér segir:

Þau sem eru í 3. og 4. flokki eiga að vera mætt inn í sal í fötunum kl. 11
Þau sem eru í 5. flokki eiga að mæta kl. 12
Krakkar í 3. og 4. bekk í íþróttaskólanum eiga að mæta kl. 12
Krakkar í 1. og 2. bekk í íþróttaskólanum eiga að mæta kl. 14

Mótsgjald er kr. 700 og greiðist á staðnum. Inni í því er glaðningur fyrir alla og piparkökur og djús. Krakkarnir eru beðin um að koma í jólalegum fötum, t.d. rauðum eða grænum bolum. ]]> Sat, 17 Dec 2011 20:00:00 +0000 http://www.hsv.is/skellur/forsida/Hurdaskellur_-_mot_yngri_flokka http://www.hsv.is/skellur/forsida/Ferd_3_flokks_a_Islandsmot
Kostnaður á mann er kr. 9000 sem á að leggjast inn á reikning krakkablaksins:  0156-05-65049, kt. 471204-3230 í síðasta lagi á miðvikudag.

Þetta dekkar mótsgjöld, gistingu og mat á meðan á mótinu stendur og flugfarið. Ekki mögulega afþreyingu og mat á föstudagskvöldinu.

Foreldrar eru beðnir um að senda börnin með eitthvað sem hægt er að nota sem íþróttahúss-nasl til að deila með sér yfir mótsdagana. Þetta geta verið ávextir eða eitthvað bakkelsi. Einhverjir gætu t.d. komið með 4 epli, eða appelsínur eða banana sem ég mun skera niður fyrir þau, eða heimabakað muffins, skúffuköku eða skinkuhorn.

Okkur vantar líka a.m.k. einn bíl til að skutla af flugvelli og á flugvöllinn á sunnudeginum. Eiga ekki einhverjir afa/ömmur, frænkur/frænda eða systkin í Reykjavík sem gætu gert þetta? Harpa verður á bíl og líka Auður en það vantar einn til.

Þau eru 10 sem fara, 7 stelpur og 3 strákar sem koma úr 4. og 5. flokki. Þeir eru teknir með til að spila upp í liðinu, en það þýðir að þeir eiga að taka bolta númer 2 og koma honum á stelpurnar sem smassa yfir netið. Þau eru í fyrsta sinn að spila 6 manna blak og spilið gengur miklu betur þegar við fáum strákana til að hjálpa okkur í þessu hlutverki og þannig fá stelpurnar líka miklu meira út úr þessu.

Dagskráin er þá u.þ.b. svona:

Föstudagur 25. nóvember:
Mæting út á flugvöll á Ísafirði stundvíslega kl. 15:45
Lending í Reykjavík kl. 17:00
Keyrt í mat og bíó ef það verður ákveðið (vantar 1 bíl)
Keyrt upp í skóla í Mosfellsbæ eftir það. (selflutningur eða skutl frá vinum/ættingjum)

Laugardagur 26. nóvember:
Við eigum tvo leiki þennan dag: kl. 11:15 og 14:15.
Morgunverður, hádegisverður og kvöldverður í skólanum
Við munum horfa á leiki hinna liðanna og vera á mótinu mest allan daginn
Reiknum með að komast í sund
Kvöldinu eytt í skólanum

Sunnudagur 27. nóvember:
Við eigum 3 leiki þennan dag, kl. 9:00, 9:45 og 12:45 og svo er líka umsjón kl. 10:30 - semsagt mjög stíft.
Morgunverður og hádegisverður í skólanum
Mæting í flug kl. 14:45, Best að leggja af stað kl. 14 frá íþróttahúsinu. (Vantar a.m.k. 1 bíl)
Lending á Ísafirði kl. 15:55

Taka með:
Svefnpoka
Kodda
Dýnu
Lak
HSV-upphitunargalla
Hnéhlífar
Skó
Sundföt
Handklæði
Aukaföt og snyrtidót
Vasapening 3000 ef það verður ákveðið


Svo þarf að ákveða hvort plan B sé að fá rútu og keyra ef ekki verður flogið á föstudaginn
]]> Tue, 22 Nov 2011 08:41:00 +0000 http://www.hsv.is/skellur/forsida/Ferd_3_flokks_a_Islandsmot http://www.hsv.is/skellur/forsida/3_flokkur_i_Moso www.krakkablak.bli.is. Þar verður einnig hægt að fylgjast með úrslitum leikja jafnóðum. Líklega verður farið með flugi og verið er að ganga frá miðunum í dag, eftir það kemur endanlega í ljós hvað ferðin mun kosta.
Gist verður í grunnskóla í Mosfellsbæ og matur mótsdagana er innifalinn í mótsgjöldum. Krakkarnir þurfa að taka með sér:

HSV-upphitunargallann
Hnéhlífar
Blakskóna
Vatnsbrúsa
Dýnu
Sæng eða svefnpoka og kodda
Lak
Aukaföt

Upplýsingar um vasapeninga og nesti koma fljótlega.
Þjálfari í ferðinni verður Auður Rafnsdóttir og fararstjóri Harpa Grímsdóttir (8430413)]]> Mon, 21 Nov 2011 09:03:00 +0000 http://www.hsv.is/skellur/forsida/3_flokkur_i_Moso http://www.hsv.is/skellur/forsida/Vel_heppnud_ferd_a_Islandsmot_i_Neskaupstad
Öll fjögur liðin sem við sendum á mótið að þessu sinni eru feikna sterk. Þetta eru krakkar sem flest eru búin að æfa í nokkur ár og hafa náð góðum tökum á blakinu. Í stuttu máli þá er liðið okkar í 4. flokki í þriðja sæti meðal A-liða drengja eftir þetta mót, Skellur 1 í 5. flokki eru í 2. sæti meðal A-liða drengja og Skellur 3 í 5. flokki í 4. sæti í sömu deild. Liðið Skellur C er í 2. sæti meðal C-liða drengja. Hér að neðan er nánari umfjöllun um mótið.

Öll lið Skells voru að þessu sinni skráð sem drengjalið. Reglurnar eru nefnilega þær að ef tveir eða fleiri strákar eru í liði skal skrá það sem drengjalið. Við höfum skipt niður í lið óháð kyni því á þessum aldri er ekki sérstakur munur á getur stráka og stelpna í blaki, og voru tveir til þrír strákar í hverju liði.

Lið Skells í 4. flokki var skipað Telmu Rut og Kjartani Óla sem eru þau einu í blakinu hjá okkur sem eru á þeim aldri að vera í 4. flokki. Liðsfélagar úr Skelli 1 í 5. flokki spiluðu með þeim, þau Birkir, Bjarni Pétur, Auður og Ívar Tumi. Liðið spilaði í deild A-liða drengja, en A-lið og B-lið voru sameinuð í þessari deild. Fyrsti leikurinn var erfiður því hann var á móti feiknasterku A-liði HK sem var eins og af annari plánetu en önnur lið þarna. Hvert stig sem vannst í þeim leik var í raun sigur. Síðan vann Skellur B-lið HK og Þróttar Nes. Þar sýndu okkar krakkar fína takta, börðust vel og áttu sterkar sóknir inn á milli. Síðasti leikurinn var á móti A-liði Þróttar Nes sem eru allt strákar á eldra ári í 4. flokki. Grímur, pabbi Hörpu þjálfar það lið og má því segja að Birkir hafi verið að spila á móti afa sínum og Harpa á móti pabba sínum. Þessi leikur varð besti leikur beggja liða á mótinu. Skellur sýndi mikla baráttu og útsjónarsemi og náði að ógna sterku liði Þróttar verulega þótt leikurinn tapaðist 2-0.

Liðið Skellur 1 í 5. flokki var skipað þeim Bjarna Pétri, Birki, Ívari Tuma og Auði sem hafa spilað saman blak frá því í 2. bekk. Þetta lið hefur orðið Íslandsmeistari tvisvar, fyrst í deild C-liða og í fyrra í deild A-liða ásamt Kjartani Óla - í bæði skiptin eftir „blóðuga“ baráttu við A-lið Aftureldingar. Að þessu sinni vann liðið alla sína leiki nokkuð auðveldlega, nema gegn Aftureldingu þar sem oddahrinan tapaðist. Leikurinn á móti Aftureldingu var annar leikur liðsins á mótinu og einkenndist hann af mikilli baráttu en of mörgum mistökum hjá okkar mönnum - sennilega eitthvað stress í gangi. Í síðustu tveimur leikjum liðsins á mótinu smullu þau vel saman og náðu sókninni á strik, og þegar þessir krakkar eru í þeim ham sem þau voru þá, er ekkert lið á þeirra aldri á landinu sem stenst þeim snúning. Það verður því tekið á því í vor þegar enn eitt uppgjörið við sterkt og baráttuglatt lið Aftureldingar mun eiga sér stað!

Liðið Skellur 3 í 5. flokki var skipað þeim Hrefnu, Ágústi og Ólínu frá Suðureyri, og Birtu Rós og Bensa frá Ísafirði. Einnig spilaði Katla einn leik með liðinu. Liðið hefði í raun átt að spila í deild B-liða, en hún var ekki til staðar í drengjaflokki að þessu sinni. Þá var ekkert annað að gera en að spila við A-liðin og krakkarnir sýndu að þar eiga þau heima. Þau náðu mörgum góðum leikjum og unnu spræka stráka í A-liði Stjörnunnar. Leikmenn liðsins eru tæknilega góðir og hafa náð góðum tökum á smassi og uppgjöfum, en stundum vantar hreyfanleika og verður unnið með það á æfingum hjá þeim í vetur.

Liðið Skellur C í 5. flokki var skipað þeim Krzysztof, Kötlu, Ingibjörgu og Karólínu frá Suðureyri og Hafsteini frá Ísafirði. Þau spiluðu 3. stig en í því stigi þarf liðið að snerta boltann þrisvar áður en hann fer yfir netið og annar bolti er gripinn. Þetta lið er mjög sterkt í 3. stigi og þau unnu alla sína leiki í riðlinum á laugardeginum. Þau kepptu til úrslita við Lið Dímons á sunnudagsmorgni en sá leikur tapaðist 2-0.  Á næsta móti munu þau spila 4. stig sem er venjulegt blak, og þá er bara að vinna Dímon líka!

Farið var í sund í Neskaupstað bæði á föstudeginum og laugardeginum og var stóra rennibrautin þar mikið notuð. Á laugardagskvöldinu var diskótek í skólanum. Eitt af því skemmtilega við þessi mót er að öll aðkomulið gista saman í skólum og krakkarnir kynnast krökkum í hinum liðunum. Við vonumst til þess að fá svona mót hingað til Ísafjarðar einhvern tímann - vonandi strax næsta haust. ]]> Tue, 15 Nov 2011 10:30:00 +0000 http://www.hsv.is/skellur/forsida/Vel_heppnud_ferd_a_Islandsmot_i_Neskaupstad http://www.hsv.is/skellur/forsida/Breytt_dagsetning_Islandsmots_og_breyting_aefingatima_yngri_flokka_a_Isafirdi
Miðvikudagsæfingar yngri flokka á Ísafirði hafa verið færðar yfir á föstudaga kl. 15-16. Þetta tekur gildi 3. október og er í kjölfar breyttrar töflu í Torfnesi eftir að fótboltinn kemur inn.]]> Wed, 05 Oct 2011 08:29:00 +0000 http://www.hsv.is/skellur/forsida/Breytt_dagsetning_Islandsmots_og_breyting_aefingatima_yngri_flokka_a_Isafirdi http://www.hsv.is/skellur/forsida/Ferd_a_Patro_og_askorendaleikur
Til viðbótar við þetta hafa handknattleiksdrengir Harðar í 2. flokki hafa skorað á meistaraflokka Skells í blak. Leikirnir verða á æfingu í kvöld, þriðjudaginn 20. sept.]]> Tue, 20 Sep 2011 08:56:00 +0000 http://www.hsv.is/skellur/forsida/Ferd_a_Patro_og_askorendaleikur http://www.hsv.is/skellur/forsida/Islandsmot_a_haustonn_hja_yngri_flokkum_7
4. og 5. flokkur:
Neskaupstaður, 4.-6. nóvember
Þetta er 4.-8. bekkur

3. flokkur:
Mosfellsbær 25.-27. nóvember
Þetta er 9. og 10. bekkur
Einnig verður keppt í 2. flokki en Skellur er ekki með lið þar.

Mikilvægt er að krakkarnir geti látið vita sem fyrst hvort þau verði með. Einnig þarf að hefja undirbúning fjáraflana.]]> Sun, 18 Sep 2011 14:27:00 +0000 http://www.hsv.is/skellur/forsida/Islandsmot_a_haustonn_hja_yngri_flokkum_7 http://www.hsv.is/skellur/forsida/Thjalfarar_i_vetur Wed, 07 Sep 2011 08:45:00 +0000 http://www.hsv.is/skellur/forsida/Thjalfarar_i_vetur