Eldri færslur

Ungmennafélag Íslands hefur verið í  góðu samstarfi við nokkra lýðháskóla í Danmörku í áraraðir.  UMFÍ hefur m.a. styrkt fjölmörg íslensk ungmenni til dvalar í þessum skólum og gerir enn.   Einn af þeim skólum sem UMFÍ er í samstarfi við er lýðháskólinn í Viborg.  Skólinn hefur nú ákveðið að bjóða nokkrum ungmennum skólastyrk á vorönn sem er frá 19. febrúar – 26. júní 2012 eða í samtals 18 vikur.   Heildarkostnaður vegna námsins ásamt fullu fæði og gistingu er 36.910.- dkr. eða um kr. 800.000,- íslenskar krónur.   Styrkurinn nemur hinsvegar kr. 20.910.- dkr. sem er um 460.000.- íslenskar krónur.    Hlutur nemenda í þessar 18 vikur er því 16.000.- dkr. eða einungis um 350.000.- íslenskar krónur.

Upplýsingar um skólann má finna á heimasíðu hans giv.dk og síðan gefur Ómar Bragi Stefánsson hjá Ungmennafélagi Íslands frekari upplýsingar til áhugasamra.  Netfang Ómars er omar@umfi.is

Sæl öll
Foreldrafundur í kvöld fim 12. jan. kl. 19 á sundhallarloftinu.
kv.
Stjórnin

sæl öll
Gleðilegt nýtt ár.
Sundæfingar byrja á sama tíma og áður miðvikudaginn 4. jan. Morgunæfingar byrja  fös. 6. jan.
kv. þjálfarar

SUNDFÉLAGIÐ VESTRI ÓSKAR IÐKENDUM, ÞJÁLFURUM OG FJÖLSKYLDUM ÞEIRRA GLEÐILEGRA JÓLA OG FRIÐAR Á NÝJU ÁRI.
ÞÖKKUM SAMSTARFIÐ Á ÁRINU SEM ER AÐ LÍÐA.

KVEÐJA
STJÓRN VESTRA

Sæl öll
 Vestri hefur tekið í notkun nýtt skráningar og greiðslukerfi (nori)
 sem er í gegnum HSV, Nokkrur íþróttafélög innan HSV eru komin af stað
 með þetta skráningarkerfi.

 Frá næstu áramótum skrá iðkendur sig inn í gegnum HSV síðuna og greiða æfingagjöldin þar. Ekki verða sendir út greiðsluseðlar eins og áður.
Allir sem hafa æft með gull,silfur og bronshóp þurfa að skrá sig.

 kv. Stjórn Vestra

Sæl öll,
dósasöfnun verður þriðjudaginn 27. desember kl. 18.
Mæting niður við Íshúsfélagið (á móti kirkjugarðinum)til að velja sér götur.
kv. Kolbrún og Kristín

Elena Dís hefur verið valin af SSÍ til að taka þátt í norðurlandameistarmóti unglinga sem fram fer helgina 9-11 desember. Elena mun æfa með úrtakshópnum á fimmtudag og föstudag fyrir mót. Hópurinn mun svo dvelja saman á meðan á móti stendur og verður Elena eflaust reynslunni ríkari eftir helgina. Við hjá Vestra erum afar stolt af Elenu og fylgjumst við spennt með gengi hennar um helgina. Gangi þér vel Elena Dís :o)

Sæl Öll

Þá eru línur farnar að skýrast varðandi Fjölnismótið.

Farið verður með flugvél, mæting á flugvöllinn kl. 10:50 á föstudag, og brottför úr Reykjavík kl. 15:15 á sunnudag, lent á Ísafirði kl.15:55.

Sótt hefur verið um leyfi fyrir hópinn á fös. í báðum skólum, GÍ og MÍ.

Krakkarnir þurfa að hafa með sér svefnpoka/sæng og lak, það verður gist  á farfuglaheimilinu í Laugardal sem er við hliðina á Laugardalslauginni.
3-4 handklæði
Sundföt, sundgleraugu, sundhettu og vatnsbrúsa á bakkann.
Bakkaföt, stuttbuxur, bol og innskó (þetta er innilaug og getur orðið ansi heitt á bakkanum)
Auka föt.
Tannbursta og aðrar nauðsynlegar hreinlætisvörur
Ekki gleyma Hsv-gallanum í flugið og góða skapinu.
Öll rafmagnastæki eins og i-pod, farsíma og tölvur  hafa krakkarnir með sér á eigin ábyrgð.

Ekki er ætlast til þess að krakkarnir hafi með sér vasapening og minnum við á að allar ferðir á vegum Vestra er gos- og nammilausar.
Hins vegar reynum við að ljúka góðri ferð á því að fá okkur ís einhversstaðar  og er það í boði Vestra.

Fararstjórar í ferðinni verða:
Jón Arnar Gestsson  s. 8997171 ( pabbi Laufeyjar Huldu)
Haraldur s. 8403327  ( pabbi Hafdísar)
Rúnar Helgi Haraldsson s. 8227415 ( pabbi Emmu )
Þjálfarar í ferðinni eru Martin og Gunna

Kostnaður ferðarinnar greiðist inn á

reikningsnúmer:
0556-26-282
kennitala:
430392-2399

og senda kvittun á mimir@internet.is

Ef einhverjar spurningar vakna hjá foreldrum um ferðina þá er alltaf hægt að hafa samband og fá upplýsingar hjá Guðbjörgu í síma   8457246  

Ég vil einnig benda á síðu mótsins http://fjolnir.is/sund/atburdir/2011-2012/unglingamot/, þar er hægt að skoða allt um mótið.
Góða ferð og skemmtun.
Kv. Stjórn Vestra