Ég óska öllum sundmönnum, foreldrum , þjálfurum og öðrum sem að starfi félagsins koma gleðilegrar jólahátíðar og þakka fyrir samveruna á liðnu sundári. Sjáumst hress á nýju og betra ári.

Benni þjálfari

Mánudagurinn 22. des      08:00-09:30
Mánudagskvöld 22. des     20:00-22:00 (Litlujól, koma með 300kr)
Þriðjudagurinn 23. des     08:00-09:30
Laugardagurinn 27 des.    17:00-18:30
Mánudagurinn 29. des      08:00-09:30
Þriðjudagurinn 30. des     08:00-09:30
Föstudagurinn 2. jan        08:00-09:30
Laugardagurinn 3. jan      08:30-10:00

Mánudagurinn 5. jan        Venjulegir tímar

Úrslit komin inn

Trésmiðjan Hnífdal hefur heitið á okkur og ætlar að borga 1000kr fyrir hvert met sem við bætum á föstudaginn og því til mikils að vinna. Mótið hefst eins og áður segir kl 17:00 en upphitun kl 16:00. Nú er um að gera að spýta í lófana.

Ég ætla að halda fund með öllum sundmönnum í Gullhóp ásamt foreldrum/forráðamönnum n.k laugardag kl 10:15, eða strax eftir sundæfingu, að Skólagötu 10.

Ég ætla að kynna fyrir ykkur æfinga og keppnisplan næsta árs. Ég hef tekið ákvörðun um að auka æfingaálagið töluvert og því mikilsvert að allir séu meðvitaðir um hvert ég vil stefna, bæði foreldrar og sundmenn.

Ég mun svo eiga einkafund með hverjum og einum sundmanni á mánudeginum frá kl 16:00-20:00 .Á fundinum á laugardaginn mun liggja fyrir listi þar sem krakkarnir geta skrifað sig á vissa tíma. Hver fundur verður 15 mín. þar sem ég mun ræða við hvern sundmann um væntingar hans og á hvaða forsendum hann hyggst æfa á, svo það sé á hreinu.
Það hafa allir rétt á að æfa sund. Ég mun svo aðstoða sundmanninn við að setja sér markmið til framtíðar, á hans eða hennar forsendum.

Kv, Benni

Nýjust upplýsingar í búningamálum er að þeir komi fyrir jól.      

Dósasöfnun var í gærkveldi og gekk hún vel, það hefði mátt væri betri mæting og einnig væri gott ef foreldrar gætu séð sér fært um að mæta með krökkunum í dósasafnanir, því bæði þarf að keyra með krökkunum og telja. En við höfðum í kringum 150.000 upp úr söfnuninni og er það mjög gott, og þakka ég bæjarbúum fyrir að taka svona vel á móti okkur.
Nú er í gangi kertasala og gott væri ef peningum og afgangskertum væri skilað til annaðhvort Möggu eða Önnu Kötu fyrir Sunnudag, eða bara sem allra fyrst.

Metamót verður hjá gullhóp á föstudaginn og hefst upphitun kl 16:00-16:45 og mót frá kl 17:00-18:30. Ætlunin er að reyna að setja sem flest Ísafjarðar og Vestfjarðarmet sem og reyna að bæta persónulega tíma.
Hvet ég því alla Vestrapúka úr yngri hópunum að koma og horfa á og eins eru foreldrar krakka í gullhóp sérstaklega hvattir til þess að mæta til að mynda réttu stemminguna.

Á fimmtudaginn verður síðasta æfing hjá Bláum-silfri og C-hóp fyrir jól og hefst hún kl 16:00 hjá þessum þremur hópum. Við munum deyfa ljósin, hlusta á jólatónlist og hafa gaman. Það má koma með nokkrar smákökur í poka til að maula á og kakó þeir sem það vilja.

Þeir iðkendur sem ekki hafa náð í dósakassa til að selja endilega hafið samband við Möggu í síma 863-4721