Fjölskylduhátíð KFÍ verður haldin laugardaginn 1. október í íþróttahúsinu Torfnesi milli 11.00 og 13.00.

Körfuboltatímabil boltaskólans er að byrja í þessari viku og því tilvalið fyrir krakka í íþróttaskólanum að mæta og taka þátt í skemmtilegum leikjum.

Sjá má dagskrá fjölskylduhátíðarinnar á heimasíðu KFÍ.

Nánar

Frá og með fimmtudeginum 29. september færast tímar í grunnþjálfun og boltaskóla inn í íþróttahúsin samkvæmt stundaskrá.

Þá byrjar nýtt tímabil í boltaskólanum og er það körfuboltinn sem tekur við af fótboltanum.

Kristján Flosason heldur áfram utan um boltaskóla yngri barnanna en leikmenn meistaraflokks KFÍ sjá um þjálfun eldri hópsins.

Krakkarnir hafa staðið sig með prýði í fótboltanum og eiga örugglega eftir að standa sig vel í körfunni líka.

Nánar
Afrekskvennasjóður Íslandsbanka og ÍSÍ auglýsir eftir umsóknum um styrki vegna haustúthlutunar 2011. Að þessu sinni eru afreksíþróttakonur eða lið/hópar sem sett hafa stefnuna á stærstu mót komandi mánaða sérstaklega hvattar til að sækja um. Sem dæmi um mót má nefna Ólympíuleika, heims- og Evrópumeistaramót eða önnur stórmót. Umsóknarfrestur er til og með föstudagsins 14. október.


Afrekskvennasjóður Íslandsbanka og ÍSÍ var stofnaður með framlagi bankans árið 2007. Markmið og tilgangur sjóðsins er að styðja við bakið á afrekskonum í íþróttum og gera þeim betur kleift að stunda sína íþrótt og ná árangri. Er nú verið að úthluta í áttunda sinn úr sjóðnum.

Nánar er hægt að lesa sér til um sjóðinn og nálgast umsóknareyðublöð á heimasíðu ÍSÍ, sjá hér. Nánar

Nú er allt komið á fullt og alltaf að bætast fleiri og fleiri krakkar í skólann.  Við viljum minna foreldra og forráðarmenn að skrá börnin sem allra fyrst.  Skráning fer fram rafrænt og er hægt að nálgast skráningarformið hér á heimasíðunni.  Hér til vinstri er tengill "skráning" og er það hægt að fara í kerfið.  Þeir sem ekki hafa farið í kerfið áður þurfa að fara í nýskráningu áður en hægt er að skrá börnin.  Þegar komið er inn í kerfi þarf oft að fara í "nýr iðkandi" og þá eiga að koma upp allir iðkendur fjölskyldunnar undir 18 ára aldri.  Ef einhver vandamál koma upp við skráningu ekki hika að hafa samband við skrifstofu HSV í netfang hsv@hsv.is eða í síma 450-8450.

Nánar

Öllum börnum í íþróttaskóla HSV býðst að kaupa HSV utanyfirgalla (íþróttagalla).  Öll aðildarfélög HSV verða í samskonar göllum og er því búið að sameina utanyfirgalla á Ísafjarðarbæ í einn.  Gallarnir fást í Legg og Skel á Ísafirði.

Nánar