Síðustu fréttir eru þær að rútan var stödd í Bröttubrekku á leiðinni vestur. Farið var af stað samkvæmt áætlun og stoppað á Hótel Brú þar sem snæddur var morgunverður. Allt gengur vel og samkvæmt upplýsingu frá vegagerðinni þá ætti ekki að vera nein fyrirstaða, kannski smá skafrenningur en þá þarf Olli bara að píra auguna aðeins og keyra hægar :)

Eins og fólk hefur orðið vart við þá er frekar vont veður að ganga yfir landið þannig að ákveðið er að hópurinn gistir eina nótt í viðbót í Keflavík. Farið verður úr Keflavík í fyrramálið klukkan 07 og stefnan tekin heim á leið, en með viðkomu á Hótel Brú þar sem liðið fær sér morgunverð að hætti hússins.

Að sögn fararstjóra þá hefur allt gengið að óskum, liðið hefur bætt sig og allir að bæta tímana sína. Allir verið til fyrirmyndar eins og við var að búast hjá krökkunum.

Sæl öll
Þá styttist í ÍRB mótið og allt að smella hvað varðar skipulag ferðar.

Gist verður í Holtaskóla í Keflavík sem er við hliðina á sundlauginni,við verðum í mötuneyti þar.Boðið er upp á bíó fyrir krakkana á laugardeginum
Það verður farið keyrandi suður brottför frá Samkaupsplaninu kl.13:15 mæting kl.13:00.Keyrt heim á sunnudagskvöld eftir  mótið, því lýkur kl. 18:15.
Foreldrar eru beðnir að nesta krakkana í rútuna á suðurleið við fáum kvöldmat þegar við komum til Keflavíkur.
Hópurinn telur 19 krakka.
Fararstjórar eru:
Ragna 8655710
Guðbjörg 8457246
Bílstjóri
Olli
Þjálfarar
Martin 8665047
Gunna 8621845

Það sem þarf að hafa með er:
keppnistaska m/ almennum sundmótsbúnaði (3 handklæði ca.).
Svefnpoka/sæng+dýnu, aukaföt og tannbursta.
Við minnum á að allar ferðir á vegum Vestra eru gos og nammilausar, einnig eru símar, ipotar dvdspilarar á ábyrgð barnanna og foreldra þeirra.
Við biðjum ykkur að hafa í huga að takmarkað pláss er fyrir farangur.
Sótt verður um leyfi í skólum frá kl.12:30 á fös og til kl. 10 á mánudagsmorgni.
Á heimleiðinni verður stoppað og borðað sem er innifalið í verði ferðar.
Ekki er nauðsynlegt að hafa vasapening.
Gyða sendir kostnaðinn á ykkur.
Ef eitthvað er þá hafið samband.
Kv.
Guðbjörg
8457246

Úrslitin eru komin inn undir úrslita linknum hér til vinstri.

Þá hefur verið dregið í páskaeggjahappdrætti Vestra.

Númerin eru þessi:

203 - 17 - 116 - 152 - 26
45 - 120 - 278 - 182 - 262
3 - 19 - 295 - 104 - 256
9 - 145 - 258 - 89 - 187 

Hægt er að vitja vinninga hjá Guðbjörgu Drengs
að Strandgötu 7a í Hnífsdal, sími 845-7246.

Vestri vill þakka öllum fyrir stuðninginn og óskar Ísfirðingum og gestum gleðilegra páska.  

Páskabingó Vestra verður haldið laugardaginn 7. apríl í Sal Edinborgarhússins kl. 14.
Veglegir vinningar í boði.Hvetjum alla til að mæta.
Kv.
Stjórnin

Páskamótið okkar verður á föstudaginn 30. mars.
Upphitun hefst kl. 15:30 og keppni 16:30.
Foreldrar hvattir til að koma og hvetja.

Stjórn Vestra

Dómaranámskeið.
Eitt af helstu verkefnum foreldra barna og unglinga sem æfa og keppa í
sundi er að taka þátt í sundmótum barnanna okkar. Flest störf á sundmótum eru
unnin af sunddómurum.
Dómgæslan er kjörin leið fyrir foreldra til að fá innsýn í sundíþróttina og
einnig gefur hún okkur ómetanlegt tækifæri til að taka þátt í því sem börnin
okkar eru að gera.
Flestir sunddómarar hætta að dæma um leið og börnin þeirra hætta að æfa
og keppa í sundi og því þarf stöðuga endurnýjun í dómarahópnum.
Í tengslum við sundmót Fjölnis sem fram fer dagana 3.-4. mars í
Laugardalslaug í Reykjavík, heldur Sundsamband Íslands dómaranámskeið í
Sundmiðstöðinni í Laugardal, Reykjavík, 2. hæð. Leiðbeinendur verða Ólafur
Baldursson og Björn Valdimarsson. Bókleg kennsla fer fram fimmtudaginn 1.
mars kl. 18-22. Verkleg kennsla verður síðan á Fjölnismótinu 3. og 4. mars.
Skráningar og fyrirspurnir sendist á Björn Valdimarsson bjorn@danfoss.is

Námskeið í formi málþings, fyrir foreldra barna- og ungmenna í íþróttum, verður haldið í Menntaskólanum á Ísafirði miðvikudagskvöld 15. febrúar og hefst kl. 20:00

Námskeiðið er liður í leiðbeinenda/þjálfaranámi ÍSÍ sem nemendur Menntaskólans hafa valið sér á vorönn 2012.

Dagskráin byrjar með umfjöllun fræðslufulltrúa ÍSÍ, Viðars Sigurjónssonar, um foreldrastarf í tengslum við íþróttaiðkun barna- og ungmenna.

Íþrótta-mamma Friðgerður Ómarsdóttir og íþrótta-pabbi Kristján Jóakimsson sem bæði hafa átt þrjú – fjögur börn í íþróttum, segja frá reynslu sinni af því að styðja börnin sín í íþróttastarfinu.  Hvað það útheimtir að veita þeim aðstoð og aðhald og hvetja til dáða.  Hvaða vinna og tími fer í slíkan stuðning og hvað það gefur foreldrum að vera þátttakendur í starfi með barni sínu að áhugamáli þess.

Margreyndur þjálfari, Ingvar Ákason, sem skipulagt hefur fjölbreytta félagslega þátttöku barna- og ungmenna samhliða íþróttaæfingum og keppni, segir frá samstarfi sínu við foreldra þeirra. Hann mun einnig fjalla um mikilvægi þess að foreldrar starfi með börnum sínum fram yfir unglingsár og styðji þau allan tímann.

Tvö ungmenni sem æfa keppnisíþróttir Ebba Kristín Guðmundsdóttir og Halldór Páll Hermannsson segja frá upplifun sinni af þátttöku foreldra og stuðningi í íþróttastarfinu.

Skólastjóri íþróttaskóla HSV Kristján Flosason kynnir starfsemi skólans.

Stuttar umræður og fyrirspurnir verða að loknu hverju erindi.

Boðið verður upp á kaffispjall við nokkur hringborð að lokinni dagskrá.  Ritarar skrá niður athugasemdir, hugmyndir og tillögur sem fram koma í umræðum að bættu samstarfi íþróttafélaga og foreldra. Leitast verður við fá fram skilgreiningu á því hvað felst í foreldrastarfi barna- og ungmenna í íþróttum.

 

Stjórnandi verður Hermann Níelsson sviðsstjóri íþrótta við Menntaskólann á Ísafirði.