- 20.11.26
- Þráinn Ágúst Arnaldsson
Opnað fyrir umsóknir í Afrekssjóð og Þjálfarasjóð HSV
Nú er opið fyrir umsóknir í Afrekssjóð HSV og Þjálfarasjóð HSV.
Við hvetjum íþróttafólk og þjálfara innan aðildarfélaga HSV til að kynna sér sjóðina og þau tækifæri til stuðnings sem þar eru í boði.
Afrekssjóður HSV
Afrekssjóður HSV er ætlaður til að styðja við íþróttafólk innan aðildarfélaga HSV sem hefur náð góðum árangri í sinni íþrótt og stefnir að frekari afrekum. Hægt er að sækja um árssamning við sjóðinn eða styrk til íþróttafólks sem ekki fellur undir skilyrði árssamnings. Umsóknir eru rafrænar og skal skila þeim á hsv.is/umsokn.
Reglur Afrekssjóðs HSV: hsv.is/um_hsv/afrekssjodur_hsv
Þjálfarasjóður HSV
Þjálfarasjóður HSV er ætlaður til að styðja við menntun og uppbyggingu þjálfara innan aðildarfélaga HSV. Umsóknir í Þjálfarasjóð, ásamt viðeigandi upplýsingum og fylgigögnum samkvæmt reglum sjóðsins, skal senda á umsokn@hsv.is.
Reglur Þjálfarasjóðs HSV: hsv.is/um_hsv/styrktarsjodur_thjalfara_hsv
Umsóknarfrestur í báða sjóði er til og með 10. desember 2026.
Hægt er að fá aðstoð við gerð umsóknar hjá svæðisfulltrúa íþróttahreyfingarinnar á Vestfjörðum (siu.is/vestfirdir) og hvetjum við umsækjendur til að nýta sér þá aðstoð eftir þörfum. Næst verður auglýst eftir umsóknum í Búnaðarsjóð HSV vorið 2027.
Við hvetjum öll sem telja sig eiga erindi í sjóðina til að kynna sér reglurnar og sækja um.
Nánar
- 10.10.26
- Guðbjörg Ebba Högnadóttir
Samráðsfundur UMFÍ á Ísafirði
46. Samráðsfundur UMFÍ fór fram á Hótel Ísafirði í dag. Mæting á fundinn var sérlega góð, en formenn og framkvæmdastjórar allra íþróttahéraða landsins mættu og er það einsdæmi.
Nánar um fundinn hér.
Nánar
- 1.06.26
- Guðbjörg Ebba Högnadóttir
Heiðursviðurkenningar á ársþingi HSV 2026
Sigurður Gunnar og Sigurður Jón.
Sigurður Gunnar og Gísli Jón.
Á ársþingi HSV sem haldið var þann 28. maí sl. hlutu þeir Sigurður Jón Hreinsson og Gísli Jón Hjaltason silfurmerki HSV.
Nánar
- 1.06.26
- Guðbjörg Ebba Högnadóttir
Ársþing HSV haldið á Þingeyri þann 28. maí 2026
Willum afhendir Skíðafélagi Ísfirðinga gæðavottunina Fyrirmyndarfélag ÍSÍ.
Nýkjörin stjórn HSV. Á myndina vantar Kristinn Ísak og Hákon Dag.
26. ársþing HSV fór fram þann 28. maí sl. í félagsheimilinu á Þingeyri. Sigurður Gunnar Þorsteinsson, formaður HSV, setti þingið. Páll Janus Þórðarson var kosinn þingforseti og voru þátttakendur á þinginu tæplega 30 talsins.
Nánar
- 30.04.26
- Guðbjörg Ebba Högnadóttir
Ársþing HSV 2026
Í samræmi við 7. gr laga HSV er hér með boðað til 26. Héraðsþings HSV, fimmtudaginn 28. maí nk. Þingið hefst kl. 17:00 og verður haldið í félagsheimilinu á Þingeyri. Tillögur sem óskað er eftir að teknar verði fyrir á Héraðsþingi, skulu hafa borist stjórn HSV fyrir 8. maí 2026.
Síðara fundarboð með upplýsingum um tillögur og mál sem leggja á fyrir héraðsþingið verður sent á aðildarfélög eigi minna en með tveggja vikna fyrirvara, með rafrænum hætti.
Óskað er eftir ábendingum um heiðursviðurkenningu HSV fyrir þingið.
Einnig er óskað eftir fólki til að gefa kost á sér í aðalstjórn HSV. Áhugasamir mega hafa samband með tölvupósti í hsv@hsv.is til að fá frekari upplýsingar.
Dagskrá:
1. Þingsetning
2. Kosning fyrsta og annars þingforseta
3. Kosning fyrsta og annars þingritara
4. Kosning þriggja manna kjörbréfanefndar
5. Skýrsla stjórnar lögð fram
6. Ársreikningar sambandsins lagðir fram, undirritaðir af kjörnum skoðunarmönnum og
stjórn
7. Ávörp gesta
8. Álit kjörbréfanefndar
9. Staðfesting á aðild nýrra félaga
10. Umræður um skýrslu stjórnar
11. Umræður og atkvæðagreiðsla um reikninga
12. Skipað í nefndir til starfa á þinginu
a. Kjörnefnd og aðrar nefndir ef þurfa þykir
13. Fjárhagsáætlun fyrir næsta ár lögð fram
14. Laga- og reglugerðabreytingar lagðar fram
15. Aðrar tillögur lagðar fram
16. Nefndarstörf um framlagðar tillögur og önnur mál sem nefndir ákveða að taka fyrir.
17. Afgreiðsla á áliti nefnda
18. Önnur mál
19. Kosningar
a. Kosning formanns
b. Kosning tveggja stjórnarmanna
c. Kosning þriggja manna í varastjórn
d. Kosning tveggja skoðunarmanna reikninga og tveggja til vara
e. Kosning til íþróttaþings skv. lögum ÍSÍ á því ári sem íþróttaþing er haldið
f. Kosning til þings UMFÍ skv. lögum UMFÍ á því ári sem þing þess er haldið
g. Kosning þriggja manna uppstillingarnefndar
20. Þingslit
Nánar