Fréttir

Lið Vestra í körfubolta tryggði sér sæti í úrslitakeppni 1. deildar. Mótherjar Vestra er Fjölnir og er fyrsti leikur í kvöld föstudaginn 22. mars kl 18 í Grafarvogi. Annar leikur einvígissins verður svo leikinn á Ísafirði mánudaginn 25. mars í íþróttahúsinu á Torfnesi kl. 19.15. 

HSV hvetur Vestramenn nær og fjær að mæta á leiki og hvetja liðið til sigurs.

Guðmundur Kristnn Jónasson og Þorsteinn Goði Einarsson í Abu Dhabi

Á heimsleikum Special Olympics sem nú fara fram í Abu Dhabi eru tveir keppendur frá Ívari, það eru Bolvíkingarnir Þorsteinn Goði Einarsson og Guðmundur Kristinn Jónasson. Þeir keppa í tvíliðaleik í badminton, þjálfi þeirra er Jónas L. Sigursteinsson. Keppni er hafin og hafa drengirnir mátt þola töp en einnig unnið sigra. Öll ferðin er mikil upplifun og má fylgjast með ævintýri þeirra á instagram síðu þeirra: itr_ivar_abu_dhabi

Íslenski hópurinn á heimsleikunum hefur nú dvalið ytra í nær tvær vikur við undirbúning og keppni. Íþróttasamband fatlaðra er með fréttir af hópnum inn á sínum síðum: Snapchat (ifsport) og Instagram (npciceland) sem og á Facebook-síðu sambandsins.

Frá og með 13. mars fer frístundarútar sem ekur á milli Ísafjarðar og Bolungarvíkur einnig inn í Holtahverfi. Áætlun frístundarútu er nú svona:

Frístundarúta
Ísafjörður - Bolungarvík

Bolungarvík - Ísafjörður

Mikið var um að vera í íþróttalífi Ísfirðinga um liðna helgi. Keppt var í þremur íþróttahúsum, Torfnesi, Bolungarvík og Þingeyri í körfubolta, blaki og boccia. Bogfiminámskeið fór fram hjá Skotíþróttafélagi Ísafjarðarbæjar í aðstöðu þeirra á Torfnesi og 50 konur voru á gönguskíðanámskeiði á Seljalandsdal. Auk þess lék knattspyrnulið Harðar tvo leiki og lið Vestra einn í Reykjavík. Yngri flokkar Vestra í körfubolta voru líka á ferðinni, 7. flokkur stúlkna spilaði í Njarðvík og 9. flokkur á Stykkishólmi. Skíðakrakkar voru við keppni norður í landi, göngumenn á Ólafsfirði og alpakrakkar á Dalvík.

Í íþróttahúsinu á Þingeyri fór fram í fyrsta sinn keppni á Íslandsmeistaramóti í körfubolta en þar var leikið mót hjá 9. flokki drengja. Á Þingeyri er verið að setja upp nýja skorklukku í íþróttahúsið og verður þá hægt að spila í húsinu leiki hjá yngri flokkum í blaki og körfubolta. Væntanlega verður mikið spilað þar á næstu leiktíð.

Á Torfnesi á föstudagskvöld lék meistarflokkur Vestra í körfubolta sinn síðasta heimaleik fyrir úrslitakeppni er þeir léku við lið Hamars. Leikurinn tapaðist 84-101 en Vestri hefur þegar tryggt sér sæti í úrslitakeppni deildarinnar sem hefst í lok mánaðarins. Á laugardag kl. 11 sigraði drenglið Vestra í körfubolta lið Keflavíkur. Blaklið karla lék kl. 13 við lið HKb og sigraði 3-1. Að leik loknum fékk Vestri afhnt verðlaun fyrir að vera deildarmeistarar í 1. deild. kl. 15 var komið að kvennaliði Vestra í blaki en þær töpuðu fyrir liði Ýmis 0-3. Með þeim sigri tryggði lið Ýmis sér deildarmeistaratilil í 1. deild kvenna og var þeima afhent sigurlaun að leik loknum. Á sunnudag fór svo fram í húsinu Góumót Kubba í boccia.

Í íþróttahúsinu í Bolungarvík sigraði blið Vestra í körfuknattleik við lið Grundarfjarðar. Á sunnudagkl. 14.00 lék kvennalið Vestra í blaki við Aftureldingu-b, sá leikur tapaðist 3-0 og kl. 16 lék stúlknaflokkur Vestra í körfubolta við lið Hauka.

Vestri deildarmeistarar 2019

Tihomir Paunovski þjálfari Vestra hampar bikarnum

Kári Eydal yngsti leikmaður Vestra tekur við verðlaunum frá Guðmundi Gunnarssyn bæjatstjóra

« 1 af 3 »

Karlalið Vestra í blaki varð í efsta sæti í keppni í 1. deild og eru því deildarmeistarar. Síðastliðinn laugardag fengu þeir afhent verðlaun af því tilefni. Það var Guðmundur Gunnarsson bæjarstjóri Ísafjarðarbæjar sem afhenti þeim deildarbikarinn í Torfnesi að loknum sigurleik gegn HKb. Með sigri sínum í fyrstu deild hefur Vestri tryggt sér keppnisrétt í úrvalsdeild næsta keppnistímabil. Þjálfari Vestra er Tihomir Paunovski.