Fréttir

Íþróttaskóli HSV á Þingeyri hefst mánudaginn 25. september nk.

Skráning fer fram í gegnum skráningarhlekkinn Skráning iðkenda

Íþróttaskólinn á Þingeyri er fyrir öll börn í 1.-7. bekk.
Þjálfari verður Leyre Maza Alberti.

HSV og Ísafjarðarbær standa að Íþróttaviku Evrópu í Ísafjarðarbæ.

Hér má finna upplýsingar um dagskrá viðburða og æfinga sem í boði verða. 

Allir viðburðir eru opnir tímar og hvetjum við öll til að kynna sér dagskránna og taka þátt.

Skoða bækling - Íþróttavika Evrópu - bæklingur

Bæklingur pdf - Íþróttavika Evrópu 2023

Við vekjum athygli ykkar á því að Rannís – Rannsóknarmiðstöð Íslands hefur opnað fyrir umsóknir um styrki úr íþróttasjóði vegna verkefna ársins 2024.

Umsóknarfrestur er til kl. 15.00 mánudaginn 2. október 2023.

Sækja skal um á eftirfarandi slóð: https://www.rannis.is/sjodir/aesku-ithrotta/ithrottasjodur/ 

Styrkir eru veittir til eftirfarandi verkefna:

• Sérstakra verkefna á vegum íþróttafélaga og samtaka þeirra sem miða að því að bæta aðstöðu til íþróttaiðkana
• Útbreiðslu- og fræðsluverkefna, sérstök áhersla verður lögð á verkefni sem stuðla að inngildingu í íþróttum
• Íþróttarannsókna
• Verkefna samkvæmt 13. gr. íþróttalaga

Umsóknum skal skilað rafrænt. Aðgangur að umsóknarkerfi, eyðublöðum fyrir skýrslur, matskvarða, ásamt lögum og reglugerðum um sjóðinn o.fl., er að finna á síðu sjóðsins.

Nota þarf rafræn skilríki við gerð umsóknar og eingöngu er tekið við rafrænum fylgigögnum.

Ekki er hægt að sækja um lægri styrki en 250 þúsund.

Nánari upplýsingar veitir Andrés Pétursson í netfang ithrottasjodur@rannis.is eða í GSM síma 699 2522

Boðið er upp á 19 íþróttagreinar á Unglingalandsmóti UMFÍ sem fram fer á Sauðárkróki um verslunarmannahelgina og fjölda annarra viðburða og greina sem öll fjölskyldan getur tekið þátt í. Að auki verða tónleikar öll kvöldin og nóg að gera.

Á meðal greinanna eru hlaupaskotfimi (biathlon), bogfimi, frisbígolf, frjálsar íþróttir, golf, grasblak, grashandbolti, hestaíþróttir, hjólreiðar, júdó, knattspyrna, kökuskreytingar, körfubolti, motocross og pílukast, skák, stafsetning, sund og upplestur.

Auk þess verður kynning á bandý, sandkastalagerð, víðavangshlaup, barnaskemmtun, glíma, leikjagarður og margt fleira. Þar á meðal eru vinnubúðir með Andrew Henderson, margföldum heimsmeistara í Freestyle Football. Hann hefur kennt fótboltastjörnum eins og Ronaldo, Messi, Neymar og mörgum fleirum töfrabrögð með boltann.

Þátttakendur  geta skráð sig í eins margar greinar og viðkomandi vill taka þátt í.

 Kynningarmyndband!

Tónleikar 

Tónleikar verða öll kvöldin á meðan Unglingalandsmóti UMFÍ stendur. Á meðal þeirra sem koma fram eru: Emmsjé Gauti, Guðrún Árný, Magni Ásgeirsson, Herra Hnetusmjör, DJ Heisi, Danshljómsveit Dósa, Arnór og Baldur og fleiri. Aðgangur að tónleikum og öllu öðru er innifalið í miðaverðinu.

 

Miðaverð og tjaldsvæði 

Aðeins kostar 8.900 krónur fyrir hvern þátttakanda á Unglingalandsmóti UMFÍ. Inni í miðaverðinu er aðgangur að tjaldsvæði fyrir alla fjölskylduna alla helgina (fyrir utan rafmagn), aðgangur á alla viðburði, tónleika, frítt í sund í Skagafirði og margt fleira. 

Á Unglingalandsmót UMFÍ er hægt að skrá sig eftir íþróttahéraði og sambandsaðilum UMFÍ. Það er líka hægt að gera án héraðs.

Sambandsaðilar UMFÍ styrkja sumir þátttakendur á sínu svæði að hluta eða öllu leyti. Aðrir veita þátttakendur á sínu svæði ýmsan varning til viðbótar, svo sem peysur eða boli merkta sambandsaðilanum. Þess vegna er mikilvægt að velja rétt íþróttahérað við skráningu. 

Mörg lið sem taka þátt á Unglingalandsmóti UMFÍ hafa lagt mikið í nöfn á liðum og flotta búninga. Við hvetjum að sjálfsögðu alla til að koma með frumleg nöfn á íþróttavöllinn.

Opið er fyrir skráningu núna!

Allar upplýsingar um mótið á www.umfi.is

Unglingalandsmót UMFÍ er líka á Facebook