Unglingalandsmót UMFÍ á Höfn í Hornafirði um verslunarmannahelgina- skráning
Um verslunarmannahelgina verður að venju haldið árlegt unglingalandsmót UMFÍ, sem að þessu sinni tekur sér stað á Höfn í Hornafirði. Þetta er í annað skipti sem mótið er haldið á Höfn, en síðast fór það fram árið 2007 í þessu höfuðvígi humarsins á Íslandi.
Undanfarin ár hefur unglingalandsmót UMFÍ fest sig í sessi sem ein stærsta íþrótta og fjölskylduskemmtun landsins. Á unglingalandsmóti UMFÍ er keppt í fjölmörgun greinum, hefðbundnum og óhefðbundnum.
Íþróttakeppnin er uppistaða mótsins, en samhliða henni verður boðið upp á fjölbreytta og skemmtilega dagskrá fyrir alla aldurshópa. Hér má sjá dagskrá mótsins: http://www.umfi.is/umfi09/unglingalandsmot/dagskra/
Veruleg uppbygging íþróttamannvirkja var fyrir mótið 2007 og hún hefur haldið áfram síðan. Stórglæsileg sundlaug og stórt knattspyrnuhús hafa verið tekin í notkun og munu koma að góðum notum á mótinu.
Skráning á mótið er til 27. júlí. Hér er hægt að skrá sig: http://skraning.umfi.is/
Tjaldsvæðið sem verður vel útbúið verður í göngufæri við aðalkeppnissvæðið.
Allar upplýsingar veitir framkvæmdastjóri HSV. Hér er einnig hægt að finna gagnlegar upplýsingar: http://www.umfi.is/
Nánar
HSV keppti í brigde á Landsmóti UMFÍ á Selfossi
Óskar Elíasson fór skörulega fyrir sínum mönnum.
Dagana 4. - 7. júlí var haldið Landsmót UMFÍ, sem að þessu sinni fór fram á Selfossi. Mótið þótti takast með ágætum og gamalgróin landsmótsstemming sveif yfir rómaðri Ölfussveitinni þessa helgi.
Að þessu sinni kepptu fjórir fræknir bridgespilarar undir merkjum HSV og gerðu þeir enga sneipuför suður. Hitt gerðu þeir heldur, komu, sáu, sigruðu nokkra og enduðu í fjórða sæti sem þykir einkar góður árangur.
Sveit HSV skipuðu: Óskar Elíasson, Arnar Geir Hinriksson, Örvar Snær Óskarsson og Ómar Freyr Ómarsson.
Nánar
Gull, silfur og brons á Landsmóti UMFÍ 50+
„Við tókum þátt þessu móti í annað sinn, en það var að þessu sinni haldið í Vík í Mýrdal dagana 7.-9. júní. Árangurinn var mjög góður, við komum heim með eitt gull, eitt silfur og eitt brons. Gullið í pönnukökubakstri vann Sigríður Króknes, silfur í púttkeppni vann Þórleif Skarphéðinsdóttir og brons í sveitakeppni í boccia unnu Héðinn Ólafsson, Björn Helgason og Heiðar Guðmundsson en varamenn voru Gunnlaugur Jónasson og Gunnar Veturliðason,“ segir Björn Helgason, fyrrverandi formaður Kubba, íþróttafélags eldri borgara á Ísafirði, sem náði þessum glæsta árangri á Landsmóti UMFÍ 50+ (fimmtugir og eldri).
„Við vorum líka með í fyrra, en félagið er tveggja ára gamalt,“ segir Björn.
Keppendur Kubba voru 22 í ár en 21 keppti fyrir hönd félagsins í fyrra. Björn segir að framkvæmd mótsins og annað hafi verið með ágætum en veður hefði getað verið betra.
Gaman er að geta þess vegna aldursmarkanna (50+), að minnstu munaði að lið Kubba hefði alveg eins getað keppt á Landsmóti 70+ (sem reyndar er ekki haldið). Allir keppendurnir voru komnir yfir sjötugt nema einn sem er 69 ára ...
hordur@bb.is
Nánar
Forseti Íþrótta- og Ólympíusambands Íslands, Ólafur Eðvarð Rafnsson, er látinn
Forseti Íþrótta- og
Ólympíusambands Íslands og forseti FIBA Europe, Ólafur Eðvarð Rafnsson, er látinn, fimmtugur að aldri.
Ólafur varð bráðkvaddur í
Sviss nú fyrr í dag þar sem hann sótti
fund í miðstjórn FIBA World , Alþjóða Körfuknattleikssambandsins.
Hann lætur eftir sig
eiginkonu og þrjú börn.
Ólafur starfaði sem
lögmaður og rak eigin lögmannsstofu í Hafnarfirði.
Ólafur Eðvarð Rafnsson
var formaður Körfuknattleikssambands Íslands frá árinu 1996 til 2006 en það ár
var hann kosinn forseti ÍSÍ. Ólafur var
kjörinn forseti FIBA Europe árið 2010. Hann tók í lok síðasta mánaðar við stöðu
forseta framkvæmdastjórnar Smáþjóðaleikanna.
Ólafur stundaði sjálfur körfuknattleik um árabil með Haukum og lék m.a. með landsliði Íslands.
HSV vottar
fjölskyldu Ólafs sína dýpstu samúð.
Nánar
- 17.06.13
- Salome Elín Ingólfsdóttir
Þriðja vika leikjanámskeiðs HSV
Nú er þriðja vika leikjanámskeiðs HSV að hefjast og hér má sjá dagskrá vikunnar.
Við hittumst alltaf við íþróttahúsið á Torfnesi. Mikilvægt er að börnin komi með hollt nesti að heiman sem borðað er um miðjan morgun. Einnig vil ég minna á að börnin séu klædd eftir veðri.
Í fjöruferðina sem við förum í á miðvikudaginn er gott að mæta með fötu, skóflu og annað sanddót. Þegar við förum á smíðavellina er gott að sem flestir komi með hamar að heiman. Á föstudaginn verðum við svo með búningaþema og þá mega allir koma í búningum að eigin vali.
Ég vil minna á facebook síðuna okkar þar sem sjá má fréttir og myndir af starfinu: Íþróttaskóli HSV.
Nánar
