Síðastliðinn sunnudag var útnefndur Íþróttamaður Ísafjarðarbæjar 2016, efnilegasti íþróttamaður Ísafjarðarbæjar ásamt því að veitt var sérstök viðurkenning fyrir gott og gjöfult starf til íþróttamála í sveitarfélaginu.
Það var Kristín Þorsteinsdóttir sundkona hjá íþróttafélaginu Ívari sem var útnefnd íþróttamaður Ísafjarðarbæjar árið 2016. Er það fjórða árið í röð sem Kristín hlýtur þennan titil. Efnilegasti íþróttamaður Ísafjarðarbæjar var útnefnd Auður Líf Benediktsdóttir frá blakdeild Vestra. Aðstandendurm Körfuboltabúða Vestra var svo veitt sértök viðurkenning fyrir gott og gjöfult starf til íþróttamála í sveitarfélaginu.
Kristín æfir sund hjá Ívari, íþróttafélagi fatlaðra og hefur náð afburða árangri á síðustu árum. Hún hefur verið fremsti íslenski sundmaðurinn sínum flokki undanfarin ár og er enn að bæta sinn árangur. Á erlendu mótum ársins sýnir árangurinn að hún er jafnframt ein sú besta í Evrópu og á heimsvísu. á árinu setti hún bæði Evópumet og heimsmet auk þess að vinna til fjölda verðlauna á mótum bæði erlendis og hér heima. Auk þess að vera afburða íþróttamaður, samvisku- og eljusöm er Kristín jafnframt létt í skapi og góður liðsfélagi. Með íþróttamiðað lífsmottó að leiðarljósi: "Æfingin skapar meistarann, ég get, skal og vil" er Kristín fyrirmynd og verðugur fulltrúi annara íþróttamanna.
Þeir íþróttamenn sem tilnefndir voru til íþróttamanns Ísafjarðarbæjar auk Kristínar eru eftirfarandi:
Albert Jónsson Skíðafélagi Ísfirðinga
Anton Helgi Guðjónsson Golfklúbbi Ísafjarðar
Daniel Osafu-Badu Knattspyrnudeild Vestra
Haraldur Hannesson Knattspyrnudeild Harðar
Jens Ingvar Gíslason Handboltadeild Harðar
Nebojsa Knesevic Körfuknattleikdsdeild Vestra
Tihomir Paunovski Blakdeild Vestra
Valur Richter Skotíþróttafélagi Ísafjarðar