HSV vill vekja athygli á að kvikmyndasýning á myndum Hermanns Níelssonar verður haldin í Alþýðuhúsinu á Ísafiði (Ísafjarðar Bíó) laugardaginn 6. desember kl. 16.00.
Sýndar verða myndirnar:
Leiðin til afreka
Mynd um unglingadeildir björgunnarsveitanna.
Einnig verða sýnd myndbrot úr Landanum og frá Íslandsglímunni á Ísafirði.
Hermann Níelsson hefur um langa tíð verið ötull í vinnu við íþróttahreyfinguna bæði hér á heimaslóðum en einnig fyrir ÚÍA. Hann hefur undanfarna mánuði glímt við erfið veikindi en er nú á góðum batavegi og kemur vestur til að verða viðstaddur sýninguna.
Mynddiskarnir verða til sölu á staðnum til þess að standa straum af sjúkrakostnaði Hermanns auk framleiðsluskostnaðar við gerð myndanna. Einnig verður tekið við frjálsum framlögum.
HSV vonast til þess að sjá sem flesta.