Nú er hafinn á ný fjallgönguleikurinn Fjallapassinn á norðanverðum Vestfjörðum. Leikurinn hefur verið í gangi yfir sumartímann árin 2007, 2008 og 2010 og notið mikilla vinsælda. Markmið Fjallapassans er að hvetja einstaklinga og fjölskyldur til að nýta sér þær leiðir til heilsueflingar sem felast í náttúrunni. „Með þátttöku í skemmtilegum leik getur hver og einn fundið fjall við sitt hæfi til að klífa og eflt um leið sitt líkamlega og andlega þrek, svo ekki sé talað um þá mikilvægu samverustund sem fjölskyldur og vinir geta átt með þátttökunni,“ segir í tilkynningu.

Í stuttu máli gengur leikurinn út á það að klífa ákveðin fjöll og stimpla í passa með stimplum sem er að finna á fjöllunum. Því næst er passanum skilað inn og verða nöfn heppinna göngugarpa dregin út að leik loknum. Þær gönguleiðir sem eru í Fjallapassanum í ár eru Naustahvilft, Náman í Syðridal í Bolungarvík, Miðfell, Þjófaskarð, Kaldbakur og Sauratindar. 

Eiga þátttakendur að fara að minnsta kosti fjórar af þessum sex gönguleiðum áður en þeir skila passanum sínum inn. Leikurinn stendur til 15. september og vegleg verðlaun í boði fyrir heppna þátttakendur. 

Að leiknum standa Ásgerður Þorleifsdóttir og Nanný Arna Guðmundsdóttir í samvinnu við Héraðssamband Vestfirðinga og Heilsueflingu í Ísafjarðarbæ. 

Allar nánari upplýsingar um leikreglur, hvar hægt er að nálgast passana, verðlaun og fleira er að finna á heimasíðu leiksins www.fjallapassinn.is og á Facebooksíðu Fjallapassans.  Nánar

Fríður hópur skrifaði undir samning við KFÍ á dögunum og er félagið mjög ánægt með samningana. Fyrstur til að setja nafn sitt á blað var yfirþjálfari KFÍ Pétur Már Sigurðsson og er því kominn heim á ný, en nú sem þjálfari, en hann spilaði hér sex tímabil sem leikmaður.

 Síðan skrifuðu ellefu leikmenn meistaraflokks undir og eru þeir til tveggja ára. Þar með er undirbúningur fyrir keppnina næsta vetur komið á fullt og eru strákarnir komnir á fullt í æfingar hjá Jóni Oddssyni sem er aðstoðarþjálfari með Pétri og verður æft í allt sumar með örhléi.

Körfuboltabúðir KFÍ byrjuðu á sunnudaginn og eru á fullu þessa dagana og út vikuna.  Gaman er að fylgjast með þessum frábærum körfuboltabúðum þar sem ríflega 80 iðkendur taka þátt.  Hægt er að fylgjast með búðunum á heimasíðu KFÍ www.kfi.is þar eru reglulega eru settar inn fréttir og upplýsingar um búðirnar. 

Nánar

Héraðssamband Vestfirðinga auglýsir eftir umsóknum í afreksmannasjóð sambandsins. Geta allir íþróttamenn sótt um styrk í sjóðinn svo framlega sem þeir séu aðilar innan HSV og uppfylli þau skilyrði sem eru í 7.grein laga afreksmannasjóðsins.

 

7. gr.

Stjórn sjóðsins getur veitt styrk ef viðkomandi uppfyllir eitthvert eftirtalinna skilyrða:

Ef hann keppir á eða hefur möguleika á þátttöku á Ólympíu-, Heims-, Evrópu- eða

Norðurlandameistaramótum.

Ef hann er valinn í landslið eða úrtök fyrir landslið. Ef hann er framarlega í íþróttagrein

sinni á landsvísu eða hefur sýnt mjög góðan árangur og er líklegur til að komast í hóp

bestu íþróttamanna landsins í íþróttagrein sinni. Skal þá miðað við styrkleikaflokkun

sérsambanda (sé hún til).

Lið eða hópur geta fengið úthlutað ef þau eru framarlega í íþróttagrein sinni á landsvísu

eða hafa sýnt mjög góðan árangur og eru líkleg til að komast í hóp bestu liða/hópa

 

Hægt er að sjá reglugerð sjóðsins inn á heimasíðu HSV.  

 

Umsóknarfrestur er til  24. júní 2011

 

Allar nánari upplýsingar veitir framkvæmdarstjóri HSV Kristján Þór Kristjánsson  í síma: 861-4668 eða í tölvupósti: hsv@hsv.is

Nánar
Margt var um manninn á þinginu.
Margt var um manninn á þinginu.
1 af 2
Ársþing HSV var haldið þriðjudaginn 10 maí í stjórnsýsluhúsinu Ísafirði.  Þingið fór vel fram og var mjög góð mæting, 39 kjörmenn voru mættir en með stjórn og gestum voru yfir 50 manns á þinginu og kom þar vel fram sá styrkur og kraftur sem liggur í hreyfingunni um þessar mundir.   Margar tillögur voru afgreiddar á þinginu og var mikil og góð umræða í nefndum þingsins.  Gestir þingsins voru Líney Rut Halldórsdóttir framkvæmdarstjóri ÍSÍ og Gunnar Gunnarsson stjórnarmaður í UMFÍ og ávörpuðu þau þingið.  Formaður HSV veitti Ásdísi Birnu Pálsdóttur Blakfélaginu Skell silfurmerki HSV en Ásdís hefur verið máttarstólpi í Blakfélaginu í mörg ár og unnið mikið og fórnfúst starf fyrir félagið.  HSV óskar Ásdísi innilega til hamingju með viðurkenninguna.  Marinó Hákonarson var þingforseti og stjórnaði þinginu af mikilli röggsemi.  
Jón Páll Hreinsson var endurkjörinn formaður HSV en aðrir í stjórn sambandsins eru Guðni Guðnason, Maron Pétursson, Erla Jónsdóttir og Sturla Páll Sturluson.  Í varastjórn sitja Margrét Högnadóttir, Ari Hólmsteinsson og Jóhann Krókness Torfason.  Nánar

Héraðssamband Vestfirðinga auglýsir eftir umsóknum í styrktarsjóð þjálfara. Samkvæmt reglugerð sjóðsins er honum ætlað að auka þekkingu og færni þjálfara og með því móti auka gæði þjálfunar og efla íþróttastarf í sveitarfélaginu.  Sjóðsstjórn er heimilt að úthluta styrkjum til aðila utan vébanda HSV, enda muni viðkomandi verkefni verða íþróttalífi og félögum í Ísafjarðarbæ til hagsbóta.

 

Umsóknarfrestur er til 25. maí 2011
 

Vakin er sérstök áhersla á reglugerð sjóðssins sem finna má á heimasíðu HSV www.hsv.is . Þar undir „Um HSV“ .  Þar koma fram frekari upplýsingar varðandi umsóknarferlið. 

 

 

Allar nánari upplýsingar veitir framkvæmdarstjóri HSV Kristján Þór Kristjánsson   í síma: 861-4668 eða í tölvupósti: hsv@hsv.is

Nánar